Doktrinal nga Kahanas: Moroni 10:4–5

“Pinaagi sa Gahom sa Espiritu Santo Kamo Mahimo nga Masayod sa Kamatuoran sa Tanan nga mga Butang”

batan-ong lalaki nga nag-ampo

Sa imong pagtuon sa Moroni 10:1–7, imong nakat-onan nga kon kita mangutana sa Dios sa kinasingkasing, tinuod nga katuyoan, ug hugot nga pagtuo kang Kristo, kita makahibalo nga ang Basahon ni Mormon tinuod pinaagi sa gahom sa Espiritu Santo. Kini nga leksiyon makatabang kanimo sa pagsag-ulo sa pakisayran sa doktrinal nga kahanas ug sa mahinungdanon nga hugpong sa mga pulong sa kasulatan alang sa Moroni 10:4–5, mapasabot ang doktrina, ug magamit ang mga baroganan sa pag-angkon og espirituhanong kahibalo sa tinud-anay nga mga sitwasyon sa kinabuhi.

Isag-ulo ug ipasabot

Pagbansay sa pagsag-ulo niining pakisayran sa doktrinal nga kahanas ug sa mahinungdanon nga hugpong sa mga pulong sa kasulatan pinaagi sa pagsag-ulo sa matag mosunod nga mga bahin sa tinagsa. Human sa pagbuhat niini, sulayi sa pagsulti og balik ang tibuok hugpong sa mga pulong ug ang pakisayran sa kasulatan gikan sa memorya. Pagpraktis sa pagsulti niini nga hugpong sa mga pulong ug pakisayran sa makadaghang higayon sa tibuok adlaw.

• Moroni 10:4–5

• “Mangutana sa kinasingkasing,

• Uban sa tinuod nga katuyoan, nga may hugot nga pagtuo kang Kristo. …

• Ug pinaagi sa gahom sa Espiritu Santo

• Kamo mahimo nga masayod sa kamatuoran sa tanan nga mga butang.”

icon, rekord

icon, rekord

1. Tubaga ang mosunod nga pangutana.

   • Unsa ang mahimo sa usa ka tawo aron makabaton og pagpamatuod nga ang Basahon ni Mormon tinuod?

Pagbansay sa paggamit

Paggahin og pipila ka minuto sa pagrebyo sa mga baroganan sa pag-angkon og espirituhanong kahibalo pinaagi sa pagbasa sa mga parapo 5–12 sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2023).

• Hain nga baroganan sa pag-angkon og espirituhanong kahibalo ang labing makahuloganon diha kanimo? Ngano man?

Handurawa ang mosunod nga sitwasyon nga gi-post diha sa “Mga Pangutana ug mga Tubag” nga seksiyon sa Alang sa Kalig-on sa Kabatan-onan nga magasin. Aron makakita og usa ka ehemplo, tan-awa ang usa ka bag-o nga isyu nga anaa sa ChurchofJesusChrist.org.

• “Ako usa ka miyembro sa Simbahan halos tibuok nakong kinabuhi. Naningkamot ko sa pagsunod sa mga sugo, pagbasa sa akong mga kasulatan, pag-ampo, ug pagsimba. Nakadungog ko sa ubang mga tawo nga mipakigbahin sa ilang mga kasinatian mahitungod sa pagkahibalo sa Basahon ni Mormon nga tinuod. Nganong wala man ako hatagi sa Dios sa samang matang sa kasinatian?”

icon, rekord

2. Tubaga ang mosunod nga mga pangutana.

   • Hain nga baroganan sa pag-angkon og espirituhanong kahibalo ang imong irekomendar nga hunahunaon og una niini nga tawo? Ngano man?

   • Sa unsang paagi ang doktrina nga gitudlo sa Moroni 10:4–5 makatabang kanimo sa paggamit sa mga baroganan sa pag-angkon og espirituhanong kahibalo niini nga sitwasyon?

Ang mosunod nga mga pangutana makatabang nimo sa paghunahuna kon sa unsang paagi ang mga baroganan sa pag-angkon og espirituhanong kahibalo makatabang sa usa ka tawo niini nga sitwasyon.

Tinguhaa ang dugang nga panabot pinaagi sa balaanong gitudlo nga mga tinubdan

• Unsa nga mga pulong o mga hugpong sa mga pulong sa Moroni 10:4–5 ang imong idasig niini nga tawo aron tun-an ug mas masabtan? Ngano man?

• Unsa ang pipila sa balaanong gitudlo nga mga tinubdan ang makatabang niini nga tawo nga makabaton og personal nga pagsaksi sa katinuod sa Basahon ni Mormon?

Lihokon inubanan sa hugot nga pagtuo

• Unsa kaha ang atong makita kon buhaton ang pipila sa mga pagdapit ni Moroni gikan sa Moroni 10:4–5 niini nga sitwasyon? Sa unsang paagi kini may pagkasusama sa paglihok inubanan sa hugot nga pagtuo?

Susihon ang mga konsepto ug mga pangutana inubanan sa mahangtorong panglantaw

• Unsa nga mga kamatuoran mahitungod sa Dios, ang paagi sa Iyang pagpakigsulti sa Iyang mga anak, ug ang Iyang panglantaw nga makatabang sa usa ka tawo niini nga sitwasyon?

3. Tubaga ang mosunod nga pangutana.

   • Unsaon nimo paggamit ang doktrina nga gitudlo sa Moroni 10:4–5 aron sa pagtabang sa ubang mga pangutana nga walay kalabotan sa Basahon ni Mormon?