Seminary
Moroni 1: Ako Dili Makalimod kang Kristo

“Moroni 1: Ako Dili Makalimod kang Kristo,” Manwal sa Magtutudlo sa Basahon ni Mormon (2024)

“Moroni 1,” Manwal sa Magtutudlo sa Basahon ni Mormon

Moroni 1

Ako Dili Makalimod kang Kristo

Imahe
Moroni

Ang pagkahimong sumusunod ni Jesukristo dili gayod sayon. Duol sa katapusan sa Basahon ni Mormon, si propeta Moroni mipadayag nga ang mga sumusunod ni Kristo gipahamtangan og kamatayon gawas kon sila molimod sa Manluluwas (tan-awa sa Moroni 1:2). Tungod kay si Moroni midumili sa paglimod ni Jesukristo, siya napugos sa paglatagaw bisan asa nga iyang mahimo aron sa pagpangita og kaluwasan ug magpabilin nga nagtagotago gikan sa mga Lamanite. Tingali mibati ka nga nag-inusara sa dihang naningkamot sa pagsunod sa imong hugot nga pagtuo ug magpabiling matinud-anon sa Manluluwas ug sa Iyang Simbahan. Kini nga leksiyon makatabang sa pagdasig kanimo sa pagsunod kanunay ni Jesukristo ug dili molimod Kaniya.

Pag-atubang sa pagsupak

Paggahin og panahon sa paghunahuna mahitungod sa unsang paagi ikaw kalagmitan molihok kon ikaw gipalibotan niadtong kinsa tingali dili sama sa imong mga sumbanan o pagtuo mahitungod sa Dios.

Imahe
lunhaw [green], dalag [yellow], kahil [orange], ug pula [red] nga mga kwadro

Ang mga kolor niini nga dayagram makatabang kanimo sa paghanduraw sa nagkalainlaing lebel sa pagsupak nga mahimong atubangon sa usa ka disipulo ni Jesukristo. Ang berde mahimong nagrepresentar nga walay pagsupak. Ang dalag [yellow] ug kahil [orange] mahimong magsugyot sa pagtaas sa mga lebel sa pagsupak, samtang ang pula [red] mahimong simbolo sa labing lisod nga pagsupak.

Si Presidente Thomas S. Monson (1927–2018) nag-alagad sa militar isip usa ka batan-ong lalaki ug nakasaksi og daghang mga buhat sa kaisog. Iyang gipakigbahin ang mosunod nga ehemplo.

Hunahunaa ang kolor nga imong pilion nga magrepresentar sa lebel sa pagsupak nga nasinati niining batan-ong lalaki. Unsa sa imong hunahuna ang imong buhaton sa susama nga sitwasyon?

Imahe
Presidente Thomas S. Monson

Usa niini nga dili gayod nako makalimtan mao ang mahilom nga kaisog sa 18 anyos nga seaman—dili nato kauban sa tinuohan—kinsa wala mahadlok nga mag-ampo. Sa 250 ka mga tawo sa pundok, siya lamang ang moluhod matag gabii sa kilid sa iyang higdaanan, taliwala sa mga dili matuohon nga mobiay-biay niya. Sa pagduko, siya nag-ampo ngadto sa Dios. Wala gayod siya mahadlok. Wala gayod siya magduha-duha. Duna siyay kaisog. (Thomas S. Monson, “Magmakusganon Ka ug Magmaisug,” Liahona, Mayo 2014, 67)

  • Unsa ang mipatigbabaw kanimo mahitungod niini nga pananglitan?

  • Unsa sa imong hunahuna ang lisod mahitungod sa kanunay nga pagsunod ni Jesukristo? Unsay makatabang kanimo?

Ilista ang ubang mga sitwasyon diin ang pagsunod ni Jesukristo mahimong mahagiton. Sulayi paghanduraw ang piho nga mga detalye ug hunahunaa kon unsang kolor sa dayagram ang labing angay sa matag sitwasyon.

Siyempre, mas sayon ang paghisgot mahitungod sa atong pasalig ngadto ni Jesukristo kay sa pagsunod sa higayon nga kita gihagit. Samtang magtuon ka, tinguhaa ang pagpangita sa kadasig nga imong gikinahanglan aron magpabiling matinud-anon sa imong pagtuo kang Jesukristo ug sa mga sumbanan sa Iyang gipahiuli nga Simbahan.

Si Moroni gipangita sa mga Lamanite

Sa dihang si Moroni gihatagan og responsibilidad sa pagtipig ug pagpreserbar sa mga rekord sa mga Nephite nga katawhan, siya usab nag-atubang og pagsupak.

Basaha ang Moroni 1:1–4, ikonsiderar kon unsaon nimo paggrado ang pagsupak nga iyang giatubang.

Aron matabangan ka nga makakuha og mas maayong ideya kon unsa kaha ang kinabuhi ni Moroni, mahimo ka usab nga motan-aw sa “Si Moroni Nagdapit sa Tanan sa Pagduol ngadto kang Kristo” gikan sa time code 0:00 to 3:59, anaa sa ChurchofJesusChrist.org.

  • Unsa ka grabe ang imong paggrado sa pagsupak ni Moroni?

  • Unsa ang atong makat-onan gikan sa ehemplo ni Moroni?

Usa ka kamatuoran nga atong makat-onan mao nga kita mahimong magmatinud-anon kang Jesukristo sa bisan unsa nga kahimtang ug dili molimod Kaniya.

  • Ngano nga importante alang kanato nga magmatinuoron, o maunongon, kang Jesukristo?

  • Unsa sa imong hunahuna ang mga kasinatian ni Moroni nga nakatabang kaniya nga hilabihan nga magmaunongon kang Jesukristo?

  • Unsa ang imong nahibaloan mahitungod ni Jesukristo nga makadasig kanimo sa dili paglimod Kaniya?

Ikonsiderar ang pagmarka sa mga pulong ni Moroni sa bersikulo 3. Mahimo usab nimong irekord ang imong ngalan tupad ni Moroni aron makatabang sa pagdasig kanimo sa pagsunod kanunay ni Jesukristo.

Pangitaa ang pipila sa mosunod nga mga ehemplo sa mga indibiduwal nga matinud-anon sa Dios sa panahon sa lisod nga mga kahimtang.

Pagpakita sa atong pasalig

  • Kanus-a ka o ang usa ka tawo nga imong nailhan nakapakita og pasalig kang Kristo sa lisod nga mga kahimtang?

  • Aduna bay bisan unsang mga kahimtang diin ikaw nag-atubang og pagsupak tungod sa pagsunod kang Jesukristo?

  • Unsa ang imong mahimo aron magmatinuoron kang Jesukristo niana nga mga kahimtang?

  1.  Kompletoha ang mosunod:

    Aron matabangan ka nga mopamubo sa unsay imong nakat-onan gikan niini nga leksiyon, paghimo og poster o online nga post nga makapadasig kanimo ug sa uban nga magpabiling matinud-anon kang Kristo sa bisan unsang kahimtang. Ilakip ang usa ka mensahe gikan sa mga kasulatan nga makapadasig kanimo nga magmatinuoron kang Jesukristo ug dili molimod Kaniya. Mahimo nimong himuong sumbanan ang imong poster o i-post sunod niadtong anaa sa Alang sa Kalig-on sa mga Kabatan-onan nga magasin. Aniay usa ka ehemplo:

Imahe
data-poster mahitungod sa Pag-ula ni Jesukristo

Mahimo kang magsugod pinaagi sa pagpangita og hulagway diha sa “Mga Koleksiyon sa Hulagway” nga seksiyon www.ChurchofJesusChrist.org/media o paghimo og kaugalingon nimong paghulagway aron makatabang sa pagpahibalo sa imong mensahe. Dayon pangita og kasulatan aron ilakip sa imong hulagway. Mahimo nimong gamiton ang usa ka bersikulo gikan sa Moroni 1, usa ka kasulatan nga kaugalingon nimong nakaplagan , o usa gikan sa mosunod nga lista.