« នីហ្វៃទី ៣ ២៣ ៖ ‹ ការស្វែងរកបទគម្ពីរដោយឧស្សាហ៍ព្យាយាម › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« នីហ្វៃទី ៣ ២៣ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
នីហ្វៃទី ៣ ២៣
ការស្វែងរកបទគម្ពីរដោយឧស្សាហ៍ព្យាយាម
តើអ្នកកំពុងធ្វើការសិក្សាបទគម្ពីរផ្ទាល់ខ្លួនរបស់អ្នកយ៉ាងដូចម្ដេច ? តើការសិក្សានេះធ្វើឲ្យជីវិតរស់នៅរបស់អ្នកមានភាពខុសគ្នាអ្វីខ្លះ ? នៅក្នុង នីហ្វៃទី ៣ ២៣ ព្រះយេស៊ូវបានបញ្ជាក់អំពីសារៈសំខាន់នៃការរក្សាទុក និងការសិក្សាបទគម្ពីរ និងពាក្យពេចន៍របស់ព្យាការី ។ មេរៀននេះមានគោលបំណងជួយដល់អ្នកឲ្យសិក្សាព្រះបន្ទូលរបស់ព្រះអម្ចាស់កាន់តែឧស្សាហ៍ព្យាយាមជាងមុន ។
ការសិក្សាព្រះគម្ពីរផ្ទាល់ខ្លួនរបស់អ្នក
នៅនាទីបន្ទាប់ សូមមើលថាតើអ្នកអាចស្វែងរក និងរកឃើញនៅក្នុងបន្ទប់ ឬផ្ទះរបស់អ្នកមានចំនួនប៉ុន្មានដូចជា ៖ ទូរសព្ទមួយ សៀវភៅមួយ រូបថតមួយ ពែងមួយ ខ្នើយមួយ និងស្បែកជើងមួយ ។
-
តើការស្វែងរកមានន័យយ៉ាងដូចម្ដេច ?
-
តើការស្វែងរកដែលគួរឲ្យចំណាប់អារម្មណ៍ ឬរំភើបមានអ្វីខ្លះ ?
-
តើការស្វែងរកអាចមានការលំបាក ឬបាក់ទឹកចិត្តអ្វីខ្លះ ?
ការអញ្ជើញរបស់ព្រះអង្គសង្គ្រោះ ។
សូមអាន នីហ្វៃទី ៣ ២៣:១–៥ ដោយស្វែងរកមើលអ្វី ដែលព្រះអង្គសង្គ្រោះបានបញ្ជាឲ្យយើងស្វែងរក និងមូលហេតុ ។
នៅក្នុងជំពូកមុនៗ ព្រះអង្គសង្គ្រោះបានដកស្រង់ចេញពីអេសាយជាច្រើនដើម្បីជាជំនួយ និងប្រទានពរដល់ពួកសាសន៍នីហ្វៃ ។ ( សូមមើល នីហ្វៃទី ៣ ១៦:១៨-២០; ២០:៣២, ៣៤–៤៥; ២១:៨; ២២:១–១៧ ) ។
-
តើព្រះអម្ចាស់បានប្រទានហេតុផលអ្វីខ្លះសម្រាប់យើង ដើម្បីស្វែងរកពាក្យរបស់អេសាយ ? ( សូមមើល នីហ្វៃទី ៣ ២៣:១–៣ ) ។
-
យោងទៅតាម នីហ្វៃទី ៣ ២៣:៥ ហេតុអ្វីបានជាយើងគួរតែស្តាប់តាមព្រះបន្ទូលរបស់ព្រះអម្ចាស់ និងពាក្យរបស់ព្យាការី ?
គោលការណ៍សំខាន់មួយ ដែលយើងរៀនសូត្រនៅក្នុងមេរៀននេះ គឺថា ព្រះអង្គសង្គ្រោះបង្គាប់បញ្ជាយើងឲ្យស្តាប់តាមព្រះបន្ទូលរបស់ទ្រង់ ហើយស្វែងរកពាក្យរបស់ព្យាការីដោយឧស្សាហ៍ព្យាយាម ។
-
តើអ្នកគិតថា ការស្វែងរកបទគម្ពីរដោយឧស្សាហ៍ព្យាយាមមានន័យដូចម្តេច ?
សូមចំណាយពេលបន្តិចដើម្បីសញ្ជឹងគិតអំពីបទគម្ពីរផ្ទាល់ខ្លួនរបស់អ្នក ។ ការណ៍នេះអាចមានបញ្ចូលទាំងការសិក្សាផ្ទាល់ខ្លួន និងគ្រួសារ ក៏ដូចជាការសិក្សានៅក្នុងព្រះវិហារ និងសិក្ខាសាលាផងដែរ ។ តើអ្នកមានអារម្មណ៍ថា អ្នកស្វែងរកបទគម្ពីរដោយឧស្សាហ៍ព្យាយាមដែរឬទេ ? ហេតុអ្វីមានអារម្មណ៍ដូច្នោះ ឬហេតុអ្វីមិនមានអាម្មណ៍ដូច្នោះ ?
-
សូមឆ្លើយសំណួរខាងក្រោមនេះ ៖
-
តើមានមូលហេតុអ្វីខ្លះ ដែលវាអាចនឹងពិបាកនៅក្នុងការស្វែងរកបទគម្ពីរដោយឧស្សាហ៍ព្យាយាម ?
-
ទោះបីជាមានការលំបាកទាំងនេះក៏ដោយ តើមានចំណុចអ្វីខ្លះដែលអ្នកបានធ្វើរួចហើយ ឬអាចនឹងធ្វើដើម្បីទទួលបាននូវបទពិសោធន៍សិក្សាបទគម្ពីរដ៏មានអត្ថន័យ ?
-
ទាំងនេះគឺជាឧទាហរណ៍មួយចំនួន ៖
-
សូមអធិស្ឋានមុនពេលអ្នកសិក្សា ។
-
សូមគូសចំណាំពាក្យ និងឃ្លាសំខាន់ៗ ជាពិសេសពាក្យទាំងឡាយ ដែលជួយអ្នកឲ្យស្គាល់ព្រះអង្គសង្គ្រោះកាន់តែប្រសើរឡើង ។
-
ស្វែងរកមើលពាក្យ ឬឃ្លាដែលពិបាកយល់ ។
-
ផ្អាក ហើយសង្ខេបអ្វីដែលអ្នកបានអាន ។
-
ប្រើប្រាស់សេចក្ដីយោងខគម្ពីរដើម្បីយល់អំពីប្រធានបទមួយ ឬគោលលទ្ធិឲ្យប្រសើរជាងមុន ។
ដើម្បីអនុវត្តនូវជំនាញពីរនៅក្នុងចំណោមជំនាញទាំងនេះ សូមអាន នីហ្វៃទី ៣ ២៣:៦–១៤ ហើយធ្វើដូចខាងក្រោម ៖
-
សូមសង្ខេបដោយប្រើពាក្យខ្លួនឯងចំពោះអ្វីដែលអ្នកបានអាន°។
-
សូមគូសចំណាំពាក្យ ឬឃ្លាណាដែលជួយដល់អ្នកឲ្យយល់កាន់តែច្បាស់អំពីព្រះអង្គសង្គ្រោះ ។
-
តើមានពាក្យអ្វីខ្លះដែលបញ្ជាក់យ៉ាងច្បាស់ថា ព្រះអង្គសង្គ្រោះយកព្រះទ័យទុកដាក់ចំពោះអ្វីដែលបានកត់ត្រានៅក្នុងព្រះគម្ពីរ ?
-
តើការដឹងនូវរឿងនេះអំពីព្រះអង្គសង្គ្រោះអាចប៉ះពាល់ដល់របៀបដែលអ្នកសិក្សាព្រះគម្ពីរយ៉ាងដូចម្ដេចដែរ ?
អនុវត្តការសិក្សាបទគម្ពីរប្រកបដោយប្រសិទ្ធភាព
សូមចំណាយពេលពីរបីនាទី ដើម្បីអនុវត្តអំពីការស្វែងរកបទគម្ពីរដោយឧស្សាហ៍ព្យាយាម ។ អ្នកអាចជ្រើសរើសសិក្សាមួយជំពូក ឬស្វែងរកខគម្ពីរអំពីប្រធានបទដែលអ្នកចង់ដឹងអំពីបន្ថែមទៀត ។ សូមប្រើប្រាស់យ៉ាងហោចណាស់ជំនាញបទគម្ពីរមួយដែលអ្នកបានគិត ឬបានរកឃើញនៅក្នុងបញ្ជីខាងលើ ។
-
សូមឆ្លើយសំណួរខាងក្រោមនេះ ៖
-
តើវិធីសាស្រ្តសិក្សាអ្វីខ្លះដែលអ្នកបានប្រើ ? ហេតុអ្វីបានជាវាអាចជួយដល់អ្នកឲ្យកាន់តែឧស្សាហ៍ព្យាយាមសិក្សាបន្ថែមទៀត ?
-
តើអ្នកបានរៀនអ្វីខ្លះអំពីព្រះអង្គសង្គ្រោះដែលអ្នកមិនបានយល់ពីមុនមក ?
-
តើមានជំនាញមួយណានៅក្នុងចំណោមជំនាញទាំងនេះ ដែលអ្នកអាចអនុវត្តទៅក្នុងការសិក្សាបទគម្ពីររបស់អ្នកនាពេលអនាគតបាន ? តើអ្នកនឹងប្រើប្រាស់ជំនាញទាំងនេះដោយរបៀបណា ?
-
នៅអំឡុងប៉ុន្មានសប្តាហ៍ខាងមុខ សូមគិតអំពីអ្វីដែលអ្នកបានរៀនសូត្រនៅថ្ងៃនេះ ។ សូមជ្រើសរើសវិធីមួយដែលអ្នកអាចខិតខំស្វែងរកបទគម្ពីរដោយឧស្សាហ៍ព្យាយាមបន្ថែមទៀត ។ សូមពិចារណាអំពីរបៀបដែលវិធីនេះអាចជួយដល់អ្នកនៅក្នុងជីវិតរស់នៅរបស់អ្នក ។