“Doktrinal nga Kahanas: 3 Nephi 12:48—‘Mahimo nga Hingpit Sama nga Ako, o ang Inyong Amahan Kinsa Anaa sa Langit Hingpit,’” Manwal sa Magtutudlo sa Basahon ni Mormon (2024)
“Doktrinal nga Kahanas: 3 Nephi 12:48,” Manwal sa Magtutudlo sa Basahon ni Mormon
Doktrinal nga Kahanas: 3 Nephi 12:48
“Mahimo nga Hingpit Sama nga Ako ingon, o ang Inyong Amahan Kinsa Anaa sa Langit Hingpit”
Sa imong pagtuon sa 3 Nephi 12, imong nakat-onan ang pagkahimong hingpit sama ni Jesukristo ug sa Langitnong Amahan. Kini nga leksiyon makatabang sa mga estudyante sa pagsag-ulo sa pakisayran ug sa mahinungdanon nga hugpong sa mga pulong sa kasulatan sa 3 Nephi 12:48, mapasabot ang doktrina nga gitudlo niini nga tudling, ug magamit ang mga baroganan sa pag-angkon og espirituhanong kahibalo sa tinuod nga mga sitwasyon sa kinabuhi.
Ipasabot ug isag-ulo
Sa miaging leksiyon, imong nakat-onan ang mosunod nga kamatuoran: Si Jesukristo gusto nga kita mahimong hingpit sama Kaniya ug sa atong Amahan sa Langit.
Handurawa nga ikaw adunay usa ka higala kinsa nagtuo nga ang Dios walay mga gilaoman kanato gawas sa pagkamaayo ug pagtahod sa uban.
-
Unsaon nimo pagpasabot ang 3 Nephi 12:48 sa paagi nga makadugang sa pagsabot sa imong higala?
Ang mahinungdanon nga hugpong sa mga pulong sa kasulatan sa 3 Nephi 12:48 mao ang “Mahimo nga hingpit sama nga Ako ingon, o ang inyong Amahan kinsa anaa sa langit hingpit.” Gamita ang mosunod nga pamaagi, o lain nga imong pilion, aron makatabang kanimo sa pagsag-ulo sa pakisayran ug sa mahinungdanon nga hugpong sa mga pulong sa kasulatan.
Isulat ang “3 Nephi 12:48” diha sa tunga sa usa ka piraso nga papel. Sa usa ka kanto sa panid, isulat ang mga pulong nga “Mahimo nga hingpit.” Sa laing kanto, isulat ang “sama nga ako ingon.” Sa laing kanto, isulat ang “o ang inyong Amahan kinsa anaa sa langit.” Sa kataposan nga kanto, isulat ang “hingpit.” Sulayi ang pagsag-ulo sa pakisayran sa kasulatan ug sa mahinungdanon nga hugpong sa mga pulong sa kasulatan pinaagi sa paghikap gamit ang imong lapis o sa imong tudlo sa matag hugpong sa mga pulong sa han-ay, sugod sa pakisayran sa tunga. Makatabang kini ang pagsulti sa mga pulong sa makusog samtang gihikap nimo kini. Human sa pagbuhat niini sa pipila ka mga higayon, sulayi ang pagsulti og balik sa pakisayran ug sa tibuok hugpong sa mga pulong gikan sa panumdoman.
Pagbansay sa paggamit
Paggahin og pipila ka minuto sa pagrebyo sa mga baroganan diha sa mga parapo 5–12 sa seksiyon nga “Pag-angkon og Espirituhanong Kahibalo” sa Mahinungdanon nga Dokumento sa Doktrinal nga Kahanas (2023). Pagpili og usa sa mga baroganan nga tun-an pag-ayo.
-
Unsaon nimo sa pagpasabot ang baroganan nga imong gipili ngadto sa usa ka tawo nga tingali dili pamilyar niini?
Gamita ang mosunod nga senaryo aron sa pagtabang kanimo sa paggamit sa mga pagtulun-an sa Manluluwas diha sa 3 Nephi 12:48 ug sa baroganan sa pag-angkon og espirituhanong kahibalo.
Si Juan usa ka batan-ong lalaki nga nagtuo sa Dios. Bisan pa man, adunay pipila ka mga bahin sa ebanghelyo nga dili niya gusto nga hunahunaon. Usa niini mao ang pahimangno sa Manluluwas nga mahimong hingpit. Naningkamot siya sa paghimo og mga kausaban ug mahimong mas mahisama ni Kristo apan nagpadayon sa pagkasipyat. Gibati niya nga napakyas na siya, busa ang kahingpitan alang kaniya imposible.
Susihon ang mga konsepto ug mga pangutana inubanan sa mahangtorong panglantaw
Ang Mahinungdanon nga Dokumento sa Doktrinal nga Kahanas nagtudlo nga kon mag-atubang sa mahagiton nga isyu, mahimo natong “maporma og usab ang pangutana (aron makita sa laing paagi ang pangutana) ug matan-aw ang mga ideya basi sa sumbanan sa kamatuoran nga gihimo sa Ginoo kay sa pagdawat sa mga ideya o mga pagbana-bana nga gihimo sa kalibotan” (pahina 3). Ang mosunod nga mga pangutana makatabang niini nga proseso.
-
Tubaga ang mosunod nga mga pangutana:
-
Sa imong hunahuna sa unsang paagi gitan-aw sa Ginoo ang kahingpitan nga lahi sa paagi sa pagtan-aw sa kadaghanan sa kalibotan?
-
Sa unsang paagi nga ang atong kahibalo sa plano sa kaluwasan ug sa Pag-ula ni Jesukristo nagtabang kanato nga mas masabtan unsay gitudlo sa Manluluwas diha sa 3 Nephi 12:48?
Tinguhaa ang dugang nga panabot pinaagi sa balaanong gitudlo nga mga tinubdan
-
Unsaon nimo sa paggamit ang imong nakat-onan sa 3 Nephi 12:48 mahitungod sa pagkahingpit aron sa pagtubag sa kabalaka ni Juan?
Basaha ang labing menos tulo sa mosunod nga mga kasulatan, mangita og dugang nga mga panabot mahitungod sa pagkahimong hingpit sa paagi nga gitudlo ni Jesus.
-
Tubaga ang mosunod nga pangutana:
-
Sa unsang paagi ang mga panglantaw nga imong nakaplagan makatabang sa problema ni Juan?
Lihokon inubanan sa hugot nga pagtuo
Basaha ang mga parapo 5–7 sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas, mangita kon unsa ang mahimo ni Juan sa paglihok diha sa hugot nga pagtuo.
-
Tubaga ang tulo sa mosunod nga mga pangutana:
-
Sa imong hunahuna, hain niining mga pagtulon-an ang makatabang kang Juan? Ngano man?
-
Unsa kaha ang iampo ni Juan mahitungod niini nga makatabang sa iyang sitwasyon?
-
Unsay imong ikasugyot nga buhaton ni Juan aron “mabuhi pinaagi sa hugot nga pagtuo” hangtod nga makadawat siya og dugang nga pagsabot mahitungod sa iyang potensiyal nga mahimong hingpit?
-
Sa unsang paagi ang unsay imong nakat-onan sa 3 Nephi 12:48 mahitungod sa pagkahingpit makaimpluwensiya sa imong kaugalingong mga pagbati ug mga binuhatan?