« ហេលេមិន ១០ ៖ ព្រះអម្ចាស់ប្រទានពរជ័យដល់នីហ្វៃ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ហេលេមិន ១០ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
![]()
រូបភាព
យុវនារីកំពុងសញ្ជឹងគិត
បន្ទាប់ពីការព្យាករណ៍របស់លោកទាក់ទងទៅនឹងអំពើឃាតកម្មលើមេចៅក្រម នីហ្វៃបានសញ្ជឹងគិតអំពីអ្វីទាំងអស់ដែលព្រះអម្ចាស់បានបង្ហាញដល់លោក ប៉ុន្តែលោកក៏បានបាក់ទឹកចិត្ត ដោយសារតែអំពើទុច្ចរិតរបស់ប្រជាជននេះផងដែរ ។ នៅពេលលោកធ្វើដំណើរត្រឡប់ទៅផ្ទះវិញ លោកបានមានបទពិសោធន៍ដ៏អស្ចារ្យមួយដែល ព្រះអម្ចាស់បានប្រទានពរជ័យដល់លោកចំពោះភាពស្មោះត្រង់របស់លោកនៅក្នុងការធ្វើតាមព្រះហឫទ័យរបស់ទ្រង់ ។ មេរៀននេះអាចជួយអ្នកឲ្យយល់អំពីសេចក្ដីពិតនៃបទពិសោធន៍របស់នីហ្វៃដែលអាចយាងអញ្ជើញការដឹកនាំ និងព្រះចេស្ដារបស់ព្រះអម្ចាស់ឲ្យចូលគង់នៅក្នុងជីវិតអ្នកបាន ។
ការមានលក្ខណៈសម្បត្តិគ្រប់គ្រាន់
នៅថ្ងៃនេះ អ្នកនឹងមានឱកាសរៀនសេចក្ដីពិតមកពីគំរូរបស់ព្យាការីនីហ្វៃ ។ អ្នកប្រហែលជាចាំថា នីហ្វៃត្រូវបានគេចោទប្រកាន់ដោយមិនពិត ថាមានជាប់ពាក់ព័ន្ធទៅនឹងអំពើឃាតកម្មលើមេចៅក្រមនៃពួកសាសន៍នីហ្វៃ ( សូមមើល ហេលេមិន ៩:១៦–២០ ) ។ តាមរយៈការបំផុសគំនិត នីហ្វៃបានរកឃើញឃាតករ ហើយត្រូវបានដោះលែងវិញ ( សូមមើល ហេលេមិន ៩:២០–៣៨ ) ។ នៅពេលនីហ្វៃបានត្រឡប់មកផ្ទះវិញ លោកបានមានបទពិសោធន៍ដ៏សំខាន់មួយជាមួយនឹងព្រះអម្ចាស់ដែលបាននកត់ត្រានៅក្នុង ហេលេមិន ១០ ។ សកម្មភាពទាំងបីខាងក្រោមនឹងជួយណែនាំដល់ការសិក្សារបស់អ្នកអំពីជំពូកនេះ ។
