ថ្នាក់​សិក្ខាសាលា
អាលម៉ា 42 (ភាគ 1)៖ «ព្រះដ៏ល្អឥតខ្ចោះ យុត្តិធម៌ និងជាព្រះដែលមានមេត្តាផងដែរ។»

«អាលម៉ា 42 (ភាគ 1)៖ ‘ព្រះដ៏ល្អឥតខ្ចោះ ហើយត្រឹមត្រូវ និងជាព្រះដែលប្រកបដោយសេចក្ដីមេត្តាករុណាផង’» សៀវភៅណែនាំគ្រូបង្រៀនព្រះគម្ពីរមរមន (2024)

«អាលម៉ា 42 (ភាគ 1)» សៀវភៅណែនាំគ្រូបង្រៀនព្រះគម្ពីរមរមន

អាលម៉ា 42 (ភាគ 1)

«ព្រះដ៏ល្អឥតខ្ចោះ ហើយត្រឹមត្រូវ និងជាព្រះដែលប្រកបដោយសេចក្ដីមេត្តាករុណាផង»

រូបភាព
អាលម៉ាជាកូនកំពុងចាប់ឱបកូនប្រុសគាត់⁠កូរីអានតុន (Corianton)

ការរស់នៅក្នុងពិភពលោកដែលជំពប់ដួលជាមួយនឹងទស្សនវិស័យនៃជីវិតរមែងស្លាប់មានកម្រិតរបស់យើង អាចធ្វើឲ្យវាពិបាកក្នុងការយល់អំពីលក្ខណៈពេញលេញ និងល្អឥតខ្ចោះនៃព្រះវរបិតាសួគ៌របស់យើង និងផែនការរបស់ទ្រង់។ កូរីអានតុន (Corianton) ក៏បានព្យាយាមយល់ពីការពិតនៃយុត្តិធម៌ និងសេចក្ដីមេត្តាករុណារបស់ព្រះដែរ។ អាលម៉ាបានជួយគាត់ឲ្យពង្រីកទស្សនៈគាត់អំពីព្រះវរបិតាសួគ៌ជាទីស្រឡាញ់នៃយើង និងផែនការរបស់ទ្រង់សម្រាប់យើង។ មេរៀននេះមានគោលបំណងជួយអ្នកឱ្យយល់កាន់តែច្បាស់អំពីលក្ខណៈនៃព្រះវរបិតាសួគ៌ ទាំងភាពយុត្តិធម៌⁠ទាំងភាពមានមេត្តាករុណា។

ភាពត្រឹមត្រូវ⁠(យុត្តិធម៌)⁠និងសេចក្ដីមេត្តាករុណារបស់ព្រះ

សូមអានសេណារីយោដូចខាងក្រោម៖

  • Gabe កំពុងបង្កើតជម្រើសបំពានព្រះបញ្ញត្តិ/បទបញ្ញត្តិ⁠(ក្រឹត្យវិន័យ)⁠របស់ព្រះ។ ដំបូងឡើយ គាត់មានអារម្មណ៍គិតថាមានកំហុសបន្តិចបន្តួច ប៉ុន្តែគាត់បានសម្រេចចិត្តថា បើព្រះវរបិតាសួគ៌ស្រឡាញ់កូនចៅទ្រង់ខ្លាំង នោះទ្រង់នឹងមិនដាក់ទោស Gabe ដោយសារតែអំពើបាបរបស់គាត់ឡើយ។

  • Elsie មានភាពអស់សង្ឃឹម ដោយសារតែនាងបានប្រែចិត្តពីអំពើបាបដែលនាងបានប្រព្រឹត្ត មានអារម្មណ៍ទទួលបានការអត់ទោស បន្ទាប់មកក៏រញ៉េរញ៉ៃម្តងទៀត។ នាងជឿជាក់ថា⁠គ្មានសង្ឃឹមសម្រាប់នាងទេ ពីព្រោះនាងមានអារម្មណ៍គិតថា⁠នាងបានកុហកព្រះអំពីការប្រែចិត្តរបស់នាង។

  • តើអ្វីទៅជាការយល់ដឹងមិនត្រឹមត្រូវរបស់មនុស្សម្នាក់ៗ?

មានមនុស្សជាច្រើនដែលយល់ខុសពីសេចក្ដីស្រឡាញ់⁠និងតុល្យភាពដ៏ល្អឥតខ្ចោះនៃភាពត្រឹមត្រូវ⁠(យុត្តិធម៌) និងសេចក្ដីមេត្តាករុណារបស់ព្រះវរបិតាសួគ៌ និងព្រះយេស៊ូវគ្រីស្ទ។ នៅពេលដែលអ្នកសិក្សាមេរៀននៅថ្ងៃនេះ សូមគិតអំពីរបៀបដែលអ្នកទទួលបានការប្រទានពរ ដោយសារព្រះត្រឹមត្រូវ⁠(មានយុត្តិធម៌) និងមានសេចក្ដីមេត្តាករុណា។

អាលម៉ាបានជួយកូរីអានតុនឲ្យយល់ពីផែនការរបស់ព្រះ

នៅពេលដែលអាលម៉ាបានបន្តការផ្ដល់ដំបូន្មានឲ្យ⁠កូរីអានតុន អាលម៉ាបានយល់ឃើញថា កូនប្រុសគាត់មានការព្រួយបារម្ភអំពីព្រះ និងផែនការរបស់ទ្រង់។

ចូរអាន អាលម៉ា 42:1 ហើយរកមើលបញ្ហាកង្វល់របស់កូរីអានតុន (Corianton)។

រូបភាព
រូបតំណាង កំណត់ត្រា

  1. សូមឆ្លើយសំណួរខាងក្រោមនេះ ៖

    • តើមានការសន្មត់អ្វីខ្លះដែលអាចនឹងនាំឲ្យនរណាម្នាក់គិតថា⁠វាអយុត្តិធម៌ដើម្បីឲ្យព្រះដាក់ទោសមនុស្សមានបាប?

    • តើអ្វីទៅជាគ្រោះថ្នាក់នៃការយល់ច្រឡំបែបនេះ?

    • តើអ្នកឃើញការយល់ខុសស្រដៀងៗគ្នានៅថ្ងៃនេះដោយរបៀបណា?

អាលម៉ាបានព្យាយាមជួយកូរីអានតុន ដោយការនិយាយប្រាប់កូនគាត់នូវទស្សនៈដ៏ទូលំទូលាយអំពីព្រះ និងផែនការរបស់ទ្រង់។ គាត់បានចាប់ផ្ដើមដោយការពន្យល់ថា ការជំពប់ដួលរបស់អ័ដាម និងអេវ៉ានៅក្នុងសួនអេដែន បាននាំមកនូវសេចក្ដីស្លាប់ខាងព្រលឹងវិញ្ញាណ (ការញែកចេញពីព្រះ) និងសេចក្ដីស្លាប់ខាងសាច់ឈាម (ការស្លាប់នៃរូបកាយរមែងស្លាប់) (សូមមើល អាលម៉ា 42:2–8)។ បន្ទាប់មក គាត់បានបង្រៀនកូរីអានតុនអំពីរបៀបដែលការជំពប់ដួលទាក់ទងនឹងយុត្តិធម៌ និងសេចក្ដីមេត្តាករុណារបស់ព្រះ។

សូមអាន អាលម៉ា 42:9–12 ហើយរកមើលឥទ្ធិពលលើការជំពប់ដួលនេះ។

  • តើអ្នកបានរកឃើញឥទ្ធិពលអ្វីខ្លះលើការជំពប់ដួលនេះ?

កំណត់និយមន័យខាងក្រោមនឹងជួយអ្នកឱ្យយល់កាន់តែច្បាស់អំពីខគម្ពីរបន្ទាប់ដែលអ្នកត្រូវសិក្សា។

  • ភាពត្រឹមត្រូវ⁠(យុត្តិធម៌)៖ «នៅក្នុងពាក្យនៃព្រះគម្ពីរ យុត្តិធម៌⁠ឬភាពត្រឹមត្រូវ⁠គឺជាច្បាប់ដែលមិនផ្លាស់ប្តូរបានដែលនាំមកនូវវិបាកសម្រាប់សកម្មភាព។ ដោយសារតែច្បាប់នៃយុត្តិធម៌ យើងទទួលបានពរជ័យ នៅពេលពេលដែលយើងគោរពតាមបទបញ្ញត្តិ⁠ឬក្រឹត្យវិន័យរបស់ព្រះ។⁠ លើសពីនេះ​⁠​ច្បាប់នៃយុត្តិធម៌ទាមទារឱ្យមានការពិន័យសម្រាប់រាល់អំពើបាបដែលយើងបានប្រព្រឹត្ត» (ប្រធានបទដំណឹងល្អ «យុត្តិធម៌​⁠​(ភាពត្រឹមត្រូវ)» topics.ChurchofJesusChrist.org)។

  • សេចក្ដីមេត្តាករុណា៖ «សេចក្តីមេត្តាករុណា គឺជាការប្រព្រឹត្តដោយក្ដីមេត្តាចំពោះមនុស្សម្នាក់ដែលធំជាងអ្វីដែលមានការសក្តិសមនឹងទទួលបាន ហើយវាអាចធ្វើទៅបានតាមរយៈដង្វាយធួននៃព្រះយេស៊ូវគ្រីស្ទ» (ប្រធានបទដំណឹងល្អ «សេចក្ដីមេត្តាករុណា» topics.ChurchofJesusChrist.org)។

សូមអាន អាលម៉ា 42:13–15 ដោយការរកមើលអ្វីដែលអាលម៉ាបានបង្រៀនអំពីព្រះ និងផែនការរបស់ទ្រង់។

  • តើអ្នករៀនអ្វីខ្លះអំពីផែនការព្រះ?

  • តើសេចក្ដីពិតអ្វីខ្លះដែលអ្នកបានរៀនអំពីព្រះចេញពីខគម្ពីរទាំងនេះ?

សេចក្តីពិតមួយដែលបានបង្រៀននៅក្នុងខគម្ពីរទាំងនេះ គឺថា ព្រះគឺល្អឥតខ្ចោះ មានយុត្តិធម៌ និងពោរពេញដោយសេចក្ដីមេត្តាករុណា។

  • តើហេតុអ្វីបានអ្នកគិតថា⁠សេចក្ដីពិតនេះមានសារៈសំខាន់ចំពោះការចេះដឹងអំពីព្រះ?

ភាពត្រឹមត្រូវ⁠(យុត្តិធម៌)⁠និងសេចក្ដីមេត្តាករុណារបស់ព្រះ

អែលឌើរ ឌី ថត គ្រីស្តូហ្វឺសិន⁠(Elder D. Todd Christofferson)⁠ក្នុងកូរ៉ុមនៃពួកសាវកដប់ពីរនាក់បានបង្រៀនអំពីយុត្តិធម៌⁠(ភាពត្រឹមត្រូវ)⁠និងសេចក្ដីមេត្តាករុណារបស់ព្រះថា៖

រូបភាព
អែលឌើរ ឌី ថត គ្រីស្តូហ្វឺសិន⁠(Elder D. Todd Christofferson)

យុត្តិធម៌គឺជាលក្ខណៈដ៏សំខាន់មួយនៃព្រះ។ យើងអាចមានជំនឿលើព្រះបាន⁠ដោយសារទ្រង់គួរជាទីទុកចិត្តបាន⁠ឬស្មោះត្រង់យ៉ាងល្អឥតខ្ចោះ។ ព្រះគម្ពីរ/បទគម្ពីរបង្រៀនយើងថា៖ «ព្រះទ្រង់មិនយាងលើផ្លូវវៀចវាងឡើយ ឬក៏ទ្រង់ងាកពីឆ្វេងទៅស្ដាំ ឬក៏ទ្រង់បែរចេញពីអ្វីដែលទ្រង់មានបន្ទូលនោះដែរ ម្ល៉ោះហើយ ផ្លូវទាំងឡាយរបស់ទ្រង់ត្រង់ ហើយដំណើររបស់ទ្រង់ ជាវង់មួយដ៏នៅអស់កល្បជានិច្ច» [គោលលទ្ធិ និងសេចក្ដីសញ្ញា 3:2] និងថា៖ «ព្រះមិនរើសមុខអ្នកណាទេ» [កិច្ចការ 10:34]។ យើងពឹងផ្អែកលើលក្ខខណ្ឌនៃយុត្តិធម៌របស់ព្រះសម្រាប់សេចក្តីជំនឿ ទំនុកចិត្ត និងក្តីសង្ឃឹម។

ប៉ុន្តែជាលទ្ធផល⁠ឬផលវិបាកនៃភាពត្រឹមត្រូវឥតខ្ចោះ មានរឿងមួយចំនួនដែលព្រះទ្រង់មិនអាចធ្វើទៅបាន។ ទ្រង់មិនអាចធ្វើតាមអំពើចិត្តក្នុងការជួយសង្គ្រោះអ្នកខ្លះ និងហាមអ្នកផ្សេងៗទៀតនោះទេ។ ទ្រង់ «ពុំអាចទតមើលបាបសូម្បីតែបន្តិចបានឡើយ» [គោលលទ្ធិ និងសេចក្ដីសញ្ញា 1:31]។ ទ្រង់ពុំអាចអនុញ្ញាតឲ្យសេចក្ដីមេត្តាផ្ចាញ់យុត្តិធម៌បានទេ [សូមមើល អាលម៉ា 42:25]។

វាជាភស្ដុតាងដ៏គួរឲ្យចាប់អារម្មណ៍អំពីយុត្តិធម៌របស់ទ្រង់ដែលព្រះបានបង្កើតគំរូគោលការណ៍ជាដៃគូនៃសេចក្ដីមេត្តាករុណា។ ដោយសារតែទ្រង់មានយុត្តិធម៌ ទើបព្រះអង្គបានបង្កើតមធ្យោបាយសម្រាប់សេចក្ដីមេត្តាករុណាឲ្យដើរតួនាទីមិនអាចខ្វះបាននៅក្នុងជោគវាសនាដ៏អស់កល្បរបស់យើង។ (ឌី ថត គ្រីស្តូហ្វឺសិន⁠(D. Todd Christofferson) «មានឥស្សរភាពរហូតតទៅ ដើម្បីធ្វើសកម្មភាពដោយខ្លួនឯង» Ensign (អេនសាញ) ឬ Liahona (លីអាហូណា), វិច្ឆិកា 2014,⁠ទំព័រ 17)

  • តើការថ្លែងនេះជួយឲ្យអ្នកយល់យ៉ាងណាអំពីព្រះ?

  1. សូមបំពេញសកម្មភាពដូចខាងក្រោមនេះ ៖

    ចូរស្រមើលស្រមៃគិតថា⁠អ្នកមានមិត្តម្នាក់ដែលមានការព្រួយបារម្ភដូចគ្នានឹងកូរីអានតុន (Corianton)⁠ដែរ។ គាត់សួរអ្នកអំពីថាតើវាត្រឹមត្រូវយ៉ាងដូចម្ដេចដែលព្រះដាក់ទោសមនុស្សមានបាប។

    • តើអ្នកអាចនឹងនិយាយអ្វីទៅកាន់មិត្តអ្នកដើម្បីជួយឲ្យគាត់ឲ្យយល់អំពីយុត្តិធម៌ និងសេចក្ដីមេត្តាករុណារបស់ព្រះ? (ចូរបញ្ចូលខគម្ពីរ⁠ឬឃ្លា (កថបទ)⁠ដែលដកស្រង់ចេញពី អាលម៉ា 42:9–15។)

    សូមបញ្ចប់ការថ្លែងខាងក្រោមនេះ៖

    • យុត្តិធម៌របស់ព្រះប្រទានពរដល់ខ្ញុំ ដោយសារ

    • សេចក្ដីមេត្តាករុណារបស់ព្រះប្រទានពរដល់ខ្ញុំ ដោយសារ