Doktrinal nga Kahanas: Mosiah 2:17

“Anaa sa Pag-alagad sa Inyong Dios”

batan-ong lalaki mibisita sa tigulang nga lalaki

Diha sa leksiyon sa “Mosiah 2:1–18,” imong nakat-onan nga “kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios” (Mosiah 2:17). Kini nga leksiyon makatabang kanimo sa pagsag-ulo sa tudling sa doktrinal nga kahanas ug sa mahinungdanon nga hugpong sa mga pulong sa kasulatan sa Mosiah 2:17, mapasabot ang doktrina, ug mabansay ang paggamit sa mga baroganan sa pag-angkon og espirituhanong kahibalo sa tinud-anay nga mga senaryo.

Ipasabot ug isag-ulo

Basaha ang Mosiah 2:17 ug ang tudling sa doktrinal nga kahanas sa Bag-ong Tugon nga Mateo 22:36–39, mangita sa pagkaparehas.

• Unsa nga mga pagkaparehas ang imong nakita tali sa Mateo 22:36–39 ug Mosiah 2:17?

• Unsaon nimo pagpasabot ang doktrina sa pag-alagad gamit kini nga mga tudling?

Paggahin og pipila ka minuto sa pagsag-ulo sa pakisayran ug sa mahinungdanon nga hugpong sa mga pulong sa kasulatan sa Mosiah 2:17. Isulat kini sa usa ka piraso nga papel: “‘Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios’ (Mosiah 2:17).” Paggahin og pipila ka minuto sa pagsulti og balik sa mahinungdanon nga hugpong sa mga pulong sa kasulatan ug sa pakisayran sa makadaghang higayon kutob sa imong mahimo.

Dad-a ang piraso sa papel sa tibuok adlaw. Sa tibuok adlaw kon imong mabantayan ang papel o mahinumdoman nga anaa kini, sulayi sa pagsulti ang mahinungdanon nga hugpong sa mga pulong sa kasulatan ug ang pakisayran diha sa imong hunahuna. Sa dili pa ka matulog, sulayi sa pagsulti og balik niini gikan sa panumdoman.

Pagbansay sa paggamit

Basaha ang mga baroganan sa pag-angkon og espirituhanong kahibalo diha sa Mahinungdanon nga Dokumento sa Doktrinal nga Kahanas (2022). Pagpili og usa ka kapahayag [sentence] gikan sa matag seksiyon nga imong nakita nga makahuloganon kaayo. Ikonsiderar ang pagmarka niini nga mga kapahayag [sentence]. Hinumdomi kini nga mga kapahayag [sentence] samtang imong buhaton ang mosunod nga pagbansay.

Ang pag-alagad sa kasagaran usa ka positibo nga kasinatian alang niadtong misalmot ug niadtong gialagaran. Apan, adunay mga hagit usab nga mahimong parte sa pag-alagad. Pamalandongi ang bag-ohay lang nga mga kahigayonan sa pag-alagad nga imong nasinati. Unsa ang pipila sa mga hagit nga miabot uban sa pag-alagad? Unsa ang pipila ka mga rason nga ang mga tawo mipili sa dili pag-alagad?

Isulat ang imong kaugalingon nga senaryo nga naghulagway sa usa ka hagit sa pag-alagad. Ania ang usa ka ehemplo: Si Sophia gihangyo sa iyang mga lider sa Simbahan sa pagdala og gasa alang sa adlawng natawhan sa usa ka dili kaayo aktibo nga babaye sa iyang klase sa Young Women. Pag-abot sa babaye sa pultahan, dili kaayo siya mahigalaon kang Sophia. Nasakitan, milakaw si Sophia nga nagbasol nga gihimo niya ang pag-alagad.

Lihokon inubanan sa hugot nga pagtuo

icon, rekord

icon, rekord

1. Tubaga ang mosunod nga mga pangutana:

   • Sa unsang paagi nga usa ka lihok inubanan sa hugot nga pagtuo ang pag-alagad bisan pa sa mga hagit?

   • Sa unsang paagi ang doktrina nga gitudlo sa Mosiah 2:17 makatabang sa tawo niini nga sitwasyon nga molihok inubanan sa hugot nga pagtuo?

Susihon ang mga konsepto ug mga pangutana inubanan sa mahangtorong panglantaw

icon, rekord

2. Tubaga ang mosunod nga mga pangutana:

   • Unsa ang mga kausaban kon imong makita ang senaryo inubanan sa mahangtorong panglantaw?

   • Sa unsang paagi nga ang doktrina nga gitudlo sa Mosiah 2:17 makatabang niini nga tawo nga makakita sa mga butang gikan sa mahangtorong panglantaw?

   • Unsa sa imong hunahuna ang buhaton sa Manluluwas niini nga sitwasyon?

Tinguhaa ang dugang nga panabot pinaagi sa balaanong gitudlo nga mga tinubdan

Pangita og dugang nga kasulatan o pamahayag gikan sa kinatibuk-ang komperensiya nga mahimo nimong ipaambit aron sa pagtabang sa usa ka tawo nga makaalagad uban ang andam nga kinaiya. Aron mahimo kini, sulayi pagpangita ang “pag-alagad” diha sa Gospel Library app, ug dayon tan-awa ang mga kasulatan o ang mga pakigpulong sa komperensiya nga mogawas. Mahimo ka usab nga mangita sa “Pag-alagad” diha sa Giya ngadto sa mga Kasulatan.

3. Isulat ang kasulatan o kinutlo nga imong nakaplagan, ug ihulagway kon sa unsang paagi kini makatabang sa tawo sa senaryo.