Atamai i Aoaoga Faavae o le Tusi a Mamona Iloiloga 1

Faailoga ma Tauloto

Tamaiti Aoga

O se tasi o faamoemoega o le atamai i aoaoga faavae o le fesoasoani lea ia te oe e tauloto mau o le atamai i aoaoga faavae ma fasifuaitau autu o mau. O lenei lesona ua faamoemoe e fesoasoani ia te oe e sue, faailoga ma faataitai ona taulotoina mau faasino ma fasifuaitau autu o mau mo fuaitau muamua e 12 o le atamai i aoaoga faavae o le Tusi a Mamona.

Gaoioiga e Ono Mafai Ona Aoao Ai

Mau faasino ma fasifuaitau autu o mau

• Aisea e aoga ai le iloa o mau faasino ma fasifuaitau autu o mau mo fuaitau o le atamai i aoaoga faavae?

Ina ia fesoasoani ia te oe e aoao mau faasino ma fasifuaitau autu o mau mo fuaitau muamua e 12 o le atamai i aoaoga faavae, mafaufau e lolomi le siata lenei i totonu o lau api talaaga mo suesuega pe sii mai le polokalama mo le Atamai i Aoaoga Faavae i se masini feaveai ma faaaoga gaoioiga i le polokalama e fesoasoani ia te oe i le taulotoina.

Fuaitau ma Fasifuaitau Autu Muamua e 12 o le Atamai i Aoaoga Faavae

Tusi Lesona a le Faiaoga o le Tusi a Mamona (2024)

Mau Faasino	Fasifuaitau Autu o Mau
Mau Faasino 1 Nifae 3:7	Fasifuaitau Autu o Mau “O le a ou alu ma fai mea ua poloaiina e le Alii.”
Mau Faasino 2 Nifae 2:25	Fasifuaitau Autu o Mau “Na paʼū Atamu ina ia i ai tagata; ma ua i ai tagata, ina ia latou maua le olioli.”
Mau Faasino 2 Nifae 2:27	Fasifuaitau Autu o Mau “Ua latou saoloto e filifili le saolotoga ma le ola e faavavau … pe … [o] le faatagataotauaina ma le oti.”
Mau Faasino 2 Nifae 26:33	Fasifuaitau Autu o Mau “Ua tutusa tagata uma i le Atua.”
Mau Faasino 2 Nifae 28:30	Fasifuaitau Autu o Mau O le Atua e “tuu atu i le fanauga a tagata lea fuaitau i luga o lea fuaitau, ma lea mataupu i luga o lea mataupu.”
Mau Faasino 2 Nifae 32:3	Fasifuaitau Autu o Mau “Ia taumamafa fiafia i afioga a Keriso; aua faauta, o afioga a Keriso o le a ta’u mai ai ia te outou mea uma e tatau ona outou faia.”
Mau Faasino 2 Nifae 32:8–9	Fasifuaitau Autu o Mau “E ao ina outou tatalo e le aunoa.”
Mau Faasino Mosaea 2:17	Fasifuaitau Autu o Mau “Pe a outou auauna atu i o outou uso a tagata, ua nao lo outou auauna atu lava lea i lo outou Atua.”
Mau Faasino Mosaea 2:41	Fasifuaitau Autu o Mau “O i latou o e e tausi i poloaiga a le Atua … e faamanuiaina i latou i mea uma.”
Mau Faasino Mosaea 3:19	Fasifuaitau Autu o Mau “[Tuu] ese le tagata natura ma [avea] ma tagata paia e ala i le togiola a Keriso le Alii.”
Mau Faasino Mosaea 4:9	Fasifuaitau Autu o Mau “Ia talitonu i le Atua; … ia talitonu ua ia te ia le poto uma.”
Mau Faasino Mosaea 18:8–10	Fasifuaitau Autu o Mau Ia “papatisoina i le suafa o le Alii, o se molimau … ua outou ulu atu i se feagaiga faatasi ma ia.”

Toe iloilo ma faailoga i au tusitusiga paia ia fuaitau nei e 12 o le atamai i aoaoga faavae ma fasifuaitau autu o mau. Mafaufau e faailoga fuaitau o le atamai i aoaoga faavae i se auala tulaga ese mai le vaega o totoe o au mau faailoga.

aikona, faamaumau

1. Filfili ia le itiiti ifo ma le lua fuaitau o mau o le atamai i aoaoga faavae ma fai mea nei:

• Tusi mau faasino ma fasifuaitau autu o mau i le mea sili e te mafaia mai mea e te manatua.

• Faasoa atu le ala e faamanuiaina ai lou olaga i le iloaina o le upumoni i nei fuaiupu.

I nai aso e sosoo ai, taumafai e tauloto mau faasino ma fasifuaitau autu o mau i ni nai fasifuaitau o le atamai i aoaoga faavae. Faaauau ona mafaufau i auala e mafai ai e nei fuaiupu ona faamanuiaina lou olaga ma olaga o i latou e te iloa.