Mukenji wa ku Ngondu Bua Dikankamika dia Bansonga, Ngondu wa Dikumi ne Muibidi 2026

Lungenyi bua Tshibilu tshia Bansonga

Tudi Bianza Bienda: Dilolu dia Disadila

Kipatshila

Kutuala disanka kudi bantu mu nsangilu, ne kumvua disanka didi difuma ku difila disadila dia Buena Kilisto, mu mishindu mikesa mipepela.

Kudilongolola

• Matuku makesa kumpala kua tshibilu, bansonga badi batuilangana ne Kasumbu Kambuluishi ne balombodi bakulu ba mpuilu ya bakulu bua kujandula bantu badi mu dijinga mu tshikongu anyi mu nsangilu badibu mua kuambuluishi. Badi bafila ntema kudi bakulakaja, bajika, bakamba, anyi badisombela.

Maludiki

• Sangisha bansonga ne tangalaja lungenyi mua kudi Mulombodi Mukulu Dieter F. Uchtdorf: “Pandi ngela meji a Mupandishi, mmufuanyikija ne bianza biolola, bua kusamba, kondopa, kubenesha, ne kunanga. … Ke tshiakenzaye mu moyo Wenda wa tshifuaka ke tshivuaye mua kuikala wenza bu Yeya muikala munkatshi muetu lelu; ne ke tshitudi ne bua kuenza bu bayidi Benda ne bidimba bia Ekelezia wa Yezu Kilisto wa Bansantu ba Matuku a Ndekelu. … Bianza bietu bidi ne bua kulua bianza Bienda” (“You Are My Hands,” Liahona, Ngondu Muitanu 2010, 68). Yukilanganayi tshidi tshiumvuija kuikala bianza bia Mupandishi mu dituala disanka kudi bakuabu.

• Abanya bansonga mu tusumbu tukesa, ne pesha kasumbu konsu dîku dia kukumbula ne kutangalaja disanka kupitshila ku tshienzedi tshipepela tshia disadila. Bimua bilejilu bidi mua kuangata:

  • Difila dipa dikesa (bu mudi tshilongu, diampa, anyi tshimanyinu) ne dipitshisha diba dia bungi mu muyuki wa dikankamika.

  • Dishintulula dia minda.

  • Disukula madidishi, disukula malonga, anyi dienza mudimu mukuabu wa mu nzubu.

• Pesha bansonga tshikondu pikalabu mua kusangila kabidi bua kuyukila pa mamanya abu.

Tuakulu Pa Bualu Ebu

Mushindu kayi uvua bienzedi bikesa bieba bia disadila bitangalaja disanka dia Kilisto?

Mushindu kayi uditshi tshiumvuika bu bianza bia Mupandishi lelu?

Tshinyi tshiwudi wenza bua kutungunuka ne kutuala disanka kudi bakuabu kupitshila ku Yezu Kilisto?

Scanner code bua lungenyi lua tshibilu tshikuabu: Tshijengu tshia Disakidilangana

© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, December 2026. Tshiluba. 20043 760