“Tshijengu tshia Disakidilangana,” Bua Dikankamika dia Bansonga, Ngondu wa Dikumi ne Muibidi 2026.
Mukenji wa ku Ngondu Bua Dikankamika dia Bansonga, Ngondu wa Dikumi ne Muibidi 2026
Lungenyi bua Tshibilu tshia Bansonga
Tshijengu tshia Disakidilangana
Kipatshila
Tangalajayi disanka ne julanganayi mu dipeshangana masakidila mimpa.
Maludiki
-
Nsonga udi usomba mu tshijengu, ne yonsu udi upeta tshitupa tshia dibeji ne bika anyi crayon.
-
Bansonga badi bafunda dina ku mutu kua dibeji. Pashisha badi babunya dibeji diabu mu matshiama a bula bumua mu kushintulula kumpala ne kunyima (esthi tshidi ne bua kuenza dipetangana anyi zig-zag).
-
Muntu yonsu udi upesha dibeji dienda kudi muntu udi ku diabaluma. Panyima pa dipeta dibeji dia muntu, bansonga badi bafunda disakidila bua muntu awu mu luseka lumua lua dibeji—tshintu tshidi tshimutuadila disanka. Pashisha badi bapeshangana kabidi mabeji ne bafunda disakidila bua bidi bilonda (kabiyi kubala masakidila makuabu). Tungunukayi tô ne padi muntu yonsu ufunda tshintu kampanda pa dibeji dia muntu yonsu.
-
Pikala tshikondu ne muaba wa pa dibeji ukumbana, mabeji adi mua kupitshishibua mu tshijengu misangu ya bungi. Bienzedi bia pankabi bidi bilonda bidi mua kufila ngenyi bua masakidila:
-
Tshinyi tshidi muntu wenza bimpa? “Bukola bua pabuabu” kayi budiyi nabu?
-
Umvuija muntu ewu mu muaku umua.
-
Tshinyi tshiwudi wanyisha pa muntu ewu?
-
Tuakula Pa Bualu Ebu
Mushindu kayi udibi biumvuika pa kubala bivua bakuabu bafunda pa wewa? Mushindu kayi udibi biumvuika kutuala disanka kudi bakuabu mu mushindu ewu?
Tshinyi tshiwudi wela meji ne Mupandishi uvua mua kufunda pa dibeji dieba?
Buatshinyi Mupandishi mmusua bua tuetu tutuadilangana disanka ne miaku yetu?
© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimua dia Monthly For the Strength of Youth Message, December 2026. Tshiluba. 20043 760