“2. Longa bia bungi pa dieyemena Yezu Kilisto,” Bua Dikankamika dia Bansonga, Ngondu wa Dikumi ne Muibidi 2026.
Mukenji wa ku Ngondu Bua Dikankamika dia Bansonga, Ngondu wa Dikumi ne Muibidi 2026
Dialumingu Dibidi
2. Longa bia bungi pa dieyemena Yezu Kilisto
A Light unto Us [Bukenka Kutudi], kudi Dan Wilson
Ditabuja mu Yezu Kilisto didi nshindamenu wa kumpala wa lumu luimpa. Ditabuja didi dipita ditaba ne Udiku. Tshidi tshiumvuija dilonga bua kumueyemena mu bionsu. Pawudi ne ditabuja mu Kilisto, udi upeta ditekemena ne dituishibua mu bidiye wamba, nansha wewa kuyi mua kubimona mpindiewu anyi nansha kuyi umvua bionsu. Ditabuja kadiena tshipeta tshia pabuatshi tshitudi mua kusua mu moyo ewu. Ditabuja didi mu Yeya.
Eyi idi imua nkonku ne bibilu bia dilonga biwudi mua kuteta:
-
Mushindu kayi uwudi mua kuleja ditabuja?
Bala pa dimanya dia Mupostolo Petelo mu Matayo 14:25–33. Mushindu kayi uvua Petelo muleja ditabuja dienda mu Yezu Kilisto? Buatshinyi udi wela meji ne Petelo uvua mumueyemena bikola? Akula pa bintu biwudi mumanya pa Yezu Kilisto bidi bimuenza mukumbanyina dieyemena dieba. Mushindu kayi uwudi mua kuleja Mupandishi ne udi umueyemena?
-
Mushindu kayi udi ditabuja dituala ku bishima?
Ditabuja didi diunzulula njila ku bishima, bilondeshela disua dia Nzambi. Bala Mâko 5:21–42. Akula pa mudimu uvua ditabuja dienza mu bishima ebi. Ambilanganayi pa bishima—binena anyi bikesa—binudi mua kumanya panudi benzela ditabuja mu Yezu Kilisto.
-
Kadi pikala tshishima tshiwudi utekemena katshiyi tshienzeka?
Bala 2 Kolinto 12:7–10, ne ela meji pa bikondu biwuvua mumvua bu ne masambila eba kâvua mumvuika anyi ntatu yeba ivua ya bungi kupita iwuvua mua kumona. Mushindu kayi uwudi mua kuleja ditabuja padi masambila eba kâyi mandamunyibua mu mushindu anyi mu tshikondu tshiwuvua mutekemena?
© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, December 2026. Tshiluba. 20043 760