“4. Kulua muana wa bakaji wa tshipungidi wa Nzambi” Bua Dikankamika dia Bansonga, Ngondu wa Dikumi ne Muibidi 2026.
Mukenji wa ku Ngondu Bua Dikankamika dia Bansonga, Ngondu wa Dikumi ne Muibidi 2026
Dialumingu dia Ndekelu: Bansongakaji
4. Kulua muana wa bakaji wa tshipungidi wa Nzambi
Bukenka Kutudi, kudi Dan Wilson
Longayi pamua
Ndi muana wa bakaji munangibua wa baledi ba mu diûlu, ne ngikadilu wa bunzambi ne kipatshila ka tshiendelela. Ndi nsomba mu disanka, mpeta dikankamika ne kipatshila mu Kilisto, ne nsanka mu bunema bua muanabute bu muana wa bakaji wa tshipungidi wa Nzambi.
“Jukula mutshima weba ne sanka.”
Dilongesha ne Bipungidi 25:13.
Udi ne mufundu, musambu, anyi mêyi binangibua bia kudi mulombodi wa Ekelezia bidi bijukula mutshima weba anyi? Biambilangana ne nsongakaji mukuabu, ne muambila buatshinyi bidi bikutuadila disanka.
Pikala muntu ne bua kukuebeja buatshinyi udi ne disanka dia kuikala Muena Kilisto, ntshinyi tshiwudi mua kuamba?
Longa pa Maliya,
mamuende wa Yezu | Luka 1:26–38, 44–56; 2:1–19; 1 Nefi 11:14–23
Pakakumbula Maliya muanabu Elisabeta, muana mu difu dia Elisabeta “wakatabuluka … bua disanka.” Pashisha Maliya wakamba, “Mutshima wanyi wakutamba kusanka mu Nzambi, Musungidi wanyi” (Luka 1:44, 47). Tubingila kayi bua disanka ne disekelela dionsu edi diwudi upeta mu mêyi ne mamanya a Maliya Luka 1:26–38, 44–56? (tangila kabidi 1 Nefi 11:14–23).
Panyima mumanya bikuma ebi bia disanka bia diledibua dia Kilisto, “Maliya wakalama malu aa onsu, wakelangana meji mu mutshima wenda” (Luka 2:19). Bala muyuki pa bikumina ebi mu Luka 2:1–19. Bintu kayi bia disanka biwudi upeta biwalama ne kuelela meji mu mutshima weba mu Tshikondu tshia Diledibua dia Yezu Kilisto etshi?
© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, December 2026. Tshiluba. 20043 760