Mupeta Budishikaminyi ku Bulela

Kipatshila

Tuambilanganayi dimanya dietu dia lumu luimpa bua kuambuluisha mulunda apeta “budishikaminyi” ku “nshinga ya bupika.”

Maludiki

Sungula muntu umua (anyi ba bungi pikala tshisumbu tshikala tshinena) bua kuikala musuikibua. Buikidija mesu enda ne suika bimpa bianza, nkengibu, binu, ne makasa. Anu bulelela ki buamupesha budishikaminyi!
Bansonga badi ne bua kuambuluisha mulunda wabu bua ne akumbaja midimu itanu bua apeta budishikaminyi. Ne mudimu onsu, umbusha mukaba umua:
1. Kuimba musambu wa Kalasa ka Mbedi udi ulongesha pa Yezu Kilisto (umbusha tshilamba ku mesu).
2. Kuamba mufundu ku moyo (sulula nkengibu).
3. Kutela mikenji isatu ne mushindu udiyi itukuba (sulula bianza).
4. Kupeta tshimfuanyi tshiwudi mua kuenzela bua kuambuluisha mulunda udi udiumvua mubungama (sulula binu).
5. Kuamba tshiambilu tshia ku mpungilu munena mushala wa pabuipi tshidi tshibaka ditabuja dieba mu Yezu Kilisto (sulula makasa).
Padi mulunda upeta budishikaminyi bujima, kumbaja ditshionkomoka dia butshimunyi—dinyunguluka ku nzubu wa bisangilu, dipusa misangu 10, anyi maja a butshimunyi.

Tuakula Pa Bualu Ebu

Akulayi pa mushindu uvuabi biumvuika kuikala musuikibua ne mushindu uvuabi biumvuika kupeta budishikaminyi. Elekeja etshi ku budishikaminyi butudi tumvua bua bualu bua malelela a lumu luimpa lua Yezu Kilisto.

Buatshinyi malelela makuabu a lumu luimpa adi nangananga ne mushinga kutudi? Mishindu mipepela kayi itudi mua kutangalaja malelela â bua kuambuluisha bakuabu basanka ne “bupikudi buakatupesha Kilisto bua tuetu tuikala ne budishikaminyi” (Galatia 5:1).

© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, November 2026. Tshiluba. 20068 760