3. Longa bia bungi pa dikeba dia bulelela

Tshionkomokela mu Dîyi, kudi Liz Lemon Swindle, tshimfuanyi tshia disanka tshia Havenlight

Mushimi wa bulelela bua tshiendelela mu Nzambi Nkayenda. Mmutupesha bulelela kupitshila ku mifundu ne kupitshila ku baprofete ba matuku a ndekelu. Mu kukeba biambuluishi bidi bipetangana ne dieyemena pa Nyuma, udi mua kutapulula tshidi tshilelela, tshidi ne mushinga, ne tshidi tshikupingaja kudi Nzambi.

Eyi idi imua nkonku ne bibilu bia dilonga biwudi mua kuteta:

Bulelela budi bufuma kuepi?

Bulelela budi bufuma kudi Nzambi. Udi mua kumueyemena misangu yonsu Longa Matayo 3:17; Yone 3:16–17; Lomo 8:16–17; Mosiya 4:9; Dilongesha ne Bipungidi 1:37–38; ne Mose 1:39, mu kukeba amua malelela a mushinga adi Nzambi mubuluila. Akula pa mushindu udi moyo weba mushilangana bualu udi mumanya malelela â.
Kadi wewa muikala ne nkonku?

Misangu mikuabu tudi ne nkonku, ne nkonku idi mua kulombola ku mandamuna a nyuma—nangananga patuikala tukeba mandamuna mu biambuluishi bidi bipetangana ne tuenzela ditabuja mu Yezu Kilisto. Bu nsongaluma, Joseph Smith wakumvua tshibuejakaji pavuaye ukeba mandamuna ku nkonku yenda ya nyuma. Bala Joseph Smith—Mulubu 1:5–6, 10–13. Tshinyi tshiwudi ulonga ku tshilejilu tshienda tshia dikeba mandamuna ku nkonku yenda?
Buatshinyi udi ne bua kutungunuka ne kulonga?

Bala 2 Nefi 28:26–30 ne Dilongesha ne Bipungidi 93:11–13. Ela meji pa tshidi tunungu etu tulongesha pa dilonga ne dipeta bulelela bua bunzambi.

Zola anyi funda tshintu kampanda tshidi tshikuvuluija bulelela bua tshiendelela, bu mudi tshimfuanyi tshia Mupandishi anyi ntempelo. Jandula mushindu udi dizola dieba dibangisha kuangata ngikadilu “mulongu ku mulongu.” Ambilanganayi umua ne mukuabu mushindu udi bujadiki buenu butanta “ngâsa ku ngâsa” ne “mulongu ku mulongu.”

© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, November 2026. Tshiluba. 20068 760