Būreejtōn Timothy L. Farnes

Būreejtōn eo Eutiej an Doulul eo an Likao ro

Ke Būreejtōn Timothy L. Farnes ekar 14 iiō dettan, juon m̧ōttan jān bar juon kabun̄ ekar jino idajon̄jon̄e tōmak ko an kabun̄ eo an. Ilo iien eo kein kajuon im̧aan tata ilo mour eo an edik, Timothy ekar kam̧ool bwe Josep Smith ekar juon rikanaan an Anij im bwe Kabun̄ eo an Jisōs Kraist im Armej ro Rekwojarjar ilo Raan Ko Āliktata ej m̧ool.

“Jetōb eo ekar kobrak ruum̧ eo. Ekar alikkar,” e ekar keememej. “Kōm kar aolep en̄jake, im kōm kar aolep oktak.”

Būreejtōn Farnes ekar ba e ej kōņaan bwe jodikdik ro an Kabun̄ in ren jeļā ke rej uwaan baam̧le ao Anij.

“Rej ajri ro nejin Anij im ajri in bujen eo,” e ekar ba, “im rej maron̄ erom rikaļoor ro an Jisōs Kraist eļan̄n̄e renaaj bōk E—bōk menin letok eo me ej aer kōnke kōn Pinmuur eo An.”

Timothy Lowell Farnes ekar ļotak ilo Juun 29, 1969, ilo Baltimore, Maryland, n̄an Gary William Farnes im Mary Ellen Farnes. Ke e ekar juon ajri, baam̧le eo an rekar em̧m̧akūt n̄an Utah, ijo ekar rūttoļo̧k ie. E eo rūtto tata iaan ajri ro jiljilimjuon.

Būreejtōn Farnes ekar jerbal āinwōt juon mijenede ilo Brazil Porto Alegre Mijen. E ekar ekkatak economic ilo Brigham Young University im tokālik kar jino elōn̄ kom̧bani ko, ekoba MedSource Direct, Aspire, im World Joy humanitarian nonprofit eo.

E ekar m̧areik Linsey Anne Farnes ilo Salt Lake Tampeļ ilo Ọkwōj 27, 1992 eo. Ewōr ļalem nejier ajri ro im jiljino jibwier, im rej jokwe ilo Bountiful, Utah.

Būreejtōn im Sister Farnes raar jerbal āinwōt ritōl ro an mijen ilo Brazil São Paulo North Mijen jān 2014 n̄an 2017. Kūr ko im̧aanļo̧k an Būreejtōn Farnes ekoba Eria Jiljilimjuonn̄oul ilo Utah Eria eo, stake būreejtōn, ko̧o̧njeļ eo eutiej, bisop, im bisop an rūm̧m̧an ded ro ejjeļo̧k rejtaer.