Elder Pedro X. Larreal

Ritōl Eutiej Jiljilimjuonn̄oul

Ilo allōn̄ eo kein kemen an Elder Pedro X. Larreal āinwōt juon mijenede ej jerbal aolep raan, Būreejtōn Gordon B. Hinckley (1910–2008) ekar loļo̧k Venezuela Caracas Mijen.

Elder Larreal ekar keememej, “E ekar letok juon kūr ekabwilōn̄lōn̄ n̄an kōm kōn wūjlepļo̧k: ’Eļan̄n̄e kom̧wij kōmatļo̧k 100 bōkjāān, ij kallim̧ur baam̧le eo ami ilju im jekļaj enaaj bōk kōjeraam̧m̧an ko.”

Ālkin, Elder Larreal ekar je juon leta n̄an kam̧ōjm̧ōj ippān leddik eo jeran ilo ijo jikin. “Ikar aikuj in kaarmejeteik aolep men kōnke ikar aikuj in kōļapļo̧k aō kōmaatļo̧k.”

Reilikļo̧k, e ej kile elōn̄ kōjeraam̧m̧an ko—jeļālo̧kjeņ eo ekōjeraam̧m̧an, em̧m̧an jikin jerbal—juļtok jān lōke ilo kallim̧ur jab eo an rijilōk eo.

“N̄e jej ļoor tōl eo an juon rikanaan, rilolo, ribōk revelesōn, jenaaj bōk kōjeraam̧m̧an ko ilo mour ko ad,” e ekar ba. “Ij kallim̧ur.”

Pedro Xavier Larreal Noguera ekar ļotak ilo Juļae 6, 1976, ilo Valencia, Venezuela, n̄an Duilio Antonio Larreal Romero im Haydee Maria Noguera De Larreal. E ekar m̧areik Sariah Alvarez Campos lo Caracas Venezuela Tampeļ ilo O̧kwōj 25, 2001 eo. Rej jinen im jemān jilu ajri ro.

Elder Larreal ekar bōk juon bachelor degree kōn management jān Simón Rodríguez University, juon master degree kōn science in education jān Santa Maria University, im juon master of business administration jān Brigham Young University. E ekar jerbal āinwōt juon Seminaries im Institutes of Religion coordinator im kar jerbal n̄an Nature’s Sunshine Products Inc. āinwōt general menija im regional tōrāāktōr an Mexico, Central America, im Dominican Republic.

M̧okta jān an kar kūr āinwōt juon Ritōl Eutiej, Elder Larreal ekar jerbal āinwōt būreejtōn eo an Texas McAllen Mijen. E ekar jerbal āinwōt juon Eria Jiljilimjuonn̄oul ilo ruo eria ko, stake būreejtōn, rikakpilōklōk ilo stake būreejtōnji, ko̧o̧ņjeļ eutiej, rūjeje eo eutiej an stake, im bisop.