Faaauau Pea le Alualu i Luma o Malumalu Fou

Sa fofogaina e Peresitene Russell M. Nelson ni malumalu fou se 18 i le sauniga o le afiafi o le Aso Sa o le konafesi aoao ia Oketopa 2022. Tagai i nofoaga o malumalu i lana saunoaga faaiu i le itulau e 121.

O malumalu nei ua faapaiaina pe ua toe faapaiaina talu mai le konafesi aoao ua mavae ia Aperila:

Na faapaiaina le Malumalu o Rio de Janeiro Pasila i le aso 8 o Me.
Na faapaiaina le Malumalu o Yigo Guam i le aso 22 o Me.
Na faapaiaina le Malumalu o Praia Cape Verde i le aso 19 o Iuni.
Sa toe faapaiaina le Malumalu o Hong Kong Saina i le aso 19 o Iuni.
Sa toe faapaiaina le Malumalu o Tokyo Iapani i le aso 3 o Iulai.
Sa toe faapaiaina le malumalu o Hamilitone Niu Sila i le aso 16 o Oketopa.
O le a faapaiaina le Malumalu o Belém Pasila i le aso 20 o Novema.
O le a faapaiaina foi le Malumalu o Quito Ekuatoa i le aso 20 o Novema.
Ua faatulagaina le fale tatala mo maimoaga i le Malumalu o San Juan Puerto Rico i le aso 1–17 o Tesema. O le a faapaiaina i le aso 15 Ianuari, 2023.

Sa suatiaina le eleele mo malumalu nei: Malumalu o Grand Junction Colorado (ISA), Malumalu o Lindon Iuta (ISA), Malumalu o Farmington Niu Mekisiko (ISA), Malumalu o Elko Nevada (ISA), Malumalu o Burley Idaho (ISA), Malumalu o Smithfield Iuta (ISA), Malumalu o Yorba Linda Kalefonia (ISA), Malumalu o Lubumbashi Ripapelika Temokarasi o Congo, ma le Malumalu o Efaraima Iuta (ISA).

Ua faatulagaina le suatiaina o le eleele mo le Malumalu o Willamette Valley Oregon (ISA) ma le Malumalu o Heber Valley Iuta (ISA).