Lako Mai, Mo Muri Au

Kacivi mai Vua na Turaga

Vunau kei na Veiyalayalati 77–80

article on missionary callings

Me vakataki Jereti Kata kei Sitiveni Baneti (raica na Vunau kei na Veiyalayalati 79 kei na 80), era gadreva talega na daukaulotu ena gauna oqo e dua na ivakadinadina ni ra sa kacivi mai vua na Turaga.

E udolu na daukaulotu a veisau na nodra veikacivi ni kaulotu ena vuku ni coronavirus. Kena ivakaraitaki, rau a lesi vou tale o Curtis kei Ramona Miller ki na dua tale na vanua ni kaulotu ena vuku ni mate dewa. Rau a vakadinadinataka: “E kaukauwa tu na neirau ivakadinadina ni sega ni dua na ka na vanua me keirau kaulotu kina ia e keirau gadreva ga me keirau veiqaravi. Ni da vakatara na liga ni iVakabula me dusimaka na noda bula, ena vakadonui keda o Koya me da na cakacaka oqo.”

Jared Carter (1801–49)

• A papitaisotaki mai vei Hyrum Smith ena 1831 e Colesville, New York.

• A vunau voli mai Ohio, Pennsylvania, New York kei Vermont, ena 1831 kei na 1832.

• A gole ki Hiram, Ohio, me tarogi Josefa Simici na cava sa lewa ni Turaga vua.

• A ciqoma o Josefa Simici e dua na ivakatakila me dusimaki koya me vunau tale ena tokalau kei Amerika (raica na Vunau kei na Veiyalayalati 79).

Stephen Burnett (1813–85)

• A papitaisotaki mai vei John Murdock ena 1830 e Warrensville, Ohio.

• A tabaki me bete levu ni sa yabaki 17.

• Lesi me vunau vata kei Iteni Simici (raica na Vunau kei na Veiyalayalati 80:2), ia a qai tauvimate o Iteni.

• A qai mani tekivuna na nona kaulotu vata kei tamai Iteni, o Joni Simici.

Curtis kei Ramona Miller

• Ni rau vakaraica tiko ena mataveilawa ni daukaulotu qase ena Lotu, rau a digitaka na Miller e walu na vanua e rawa ni rau veiqaravi kina—e vuqa vei ira era tiko e Polinesia vata kei Iurope.

• Ni oti e lima na macawa, a yaco na nodrau veikacivi ki na Democratic Republic mai Congo.

• Ena gadrevi me rau vulica na vosa vaka-Varanise.

• Ni oti e tolu veimama na vula mai Aferika, rau a lesi tale na Miller me rau laki kaulotu ki Georgia, Amerika, ena vuku ni COVID-19.