Founga Fakafetuʻutaki ki he Faifekaú: Faingofua, Vave
‘Oku faingofua ange ʻi ha toe taimi kimuʻa ke tokoni ʻa e kāingalotú ki honau ngaahi kaungāmeʻá ke nau fetuʻutaki mo e kau faifekaú, pea fakamālō ai ki ha liliu fakamuimuitaha kimuí ni ki he polokalama fakafetuʻutaki ki he faifekaú ʻa e kāingalotú. ‘Oku fakataumuʻa e liliu fakamuimuitaha ki he founga fakafetuʻutakí ke fetuʻutaki vave ʻa e kau faifekaú mo e kāingalotu ʻoku ʻi ai ʻenau fiefanongó ke nau lava ʻo palani ha aʻusia ʻe tokoni ki he kaungāmeʻa ʻo e mēmipá ke kau lelei taha ki he ngaahi lēsoni ʻo e ongoongoleleí ʻoku akoʻi ʻe he kau faifekaú.
Ko e founga ʻeni hono fakahokó:
-
ʻI he loto ho kaungāmeʻá pe kaungā feohí ke talanoa mo e kau faifekaú, te ke fakafonu pē ha foomu fakafetuʻutaki ʻi he app Member Tools pe ʻi he ChurchofJesusChrist.org/referrals. Te ke lava foki ʻo tuku ai hoʻo fakamatala ki he fetuʻutakí mo ha kiʻi fakamatala ki he kau faifekaú.
-
Hili hono fakahū ʻa e fōmú, ʻe fetuʻutaki atu ha faifekau sisitā kuo vahe ke tokoni ki he ngaahi fakafetuʻutaki ʻa e mēmipá. Te ne vahe ʻa e fakafetuʻutakí ki he feituʻu totonú pea tokoni atu ke ke fetuʻutaki mo e kau faifekau fakalotofonuá.
-
‘E maʻu foki ʻe he kau faifekau fakalotofonuá ho fakamatala ki he fetuʻutakí fakataha mo e fakafetuʻutakí. ʻOku malava heni ke ke aleaʻi mo e kau faifekaú ʻa e tūkunga mo e ngaahi fiemaʻu ho kaungāmeʻa ne fakafetuʻutakí. Te ke lava ʻo talanoa kiate kinautolu kau ki he founga ke tokoniʻi ai ho kaungāmeʻá ke ne maʻu ha aʻusia leleí. Te ke lava foki ai ʻo fili ke ke kau ʻi he ngaahi lēsoni fakafaifekaú ʻi he lahi taha te ke loto ki aí.
Naʻe pehē ʻe ʻEletā Mākasi B. Nesi ʻo e Kau Fitungofulú, “ʻOku akoʻi ʻa e kau faifekaú ko e fakafetuʻutaki kotoa pē ʻoku maʻu mei ha mēmipa ʻoku totonu ke lau ia ko ha meʻa mahuʻinga. “‘I he taimi ʻoku maʻu ai ʻe he kau faifekaú ha fakafetuʻutakí, ʻoku akoʻi kinautolu ke nau fehuʻi atu ʻa e founga te nau lava ʻo tokoniʻi lelei taha ai ho kaungāmeʻá. ‘I he ngāue fakataha ʻa e kāingalotú mo e kau faifekaú, ʻe ueʻi kinautolu ʻe he ʻEikí ʻi hono fokotuʻu ha aʻusia mahuʻinga ke tokoni ke toe ofi ange homou ngaahi kaungāmeʻá kia Sīsū Kalaisí.”
‘Oku lolotonga fakaʻaongaʻi ʻa e meʻangāue fengāueʻaki foʻou ko ʻení ʻi ha lea fakafonua ʻe 33.