2020
Salt Lake City, Utah, USA
Marso 2020

Ania Dinhi ang Simbahan

Siyudad sa Salt Lake, Utah

Imahe
Photograph of Salt Lake City

Gilitratohan ni John Luke

Ang sentro nga administratiba sa Gipahiuli nga Simbahan sa Ginoo mipalibot sa Temple Square, sa tunga sa Siyudad sa Salt Lake. Ang ubang mga building nga madanihon naglakip sa:

  1. Librarya sa Kasaysayan sa Simbahan:

    Mga arkibo alang sa pagpreserbar sa kasaysayan sa Simbahan sa ulahing mga adlaw.

    Ang building nahuman niadtong 2009.

  2. Building sa Opisina sa Simbahan:

    Mga sentrong opisina alang sa lain-laing mga departamento sa Simbahan.

    Ang building nahuman niadtong 1972.

  3. Building sa Relief Society:

    Mga punoang buhatan alang sa Primary, Young Women, ug sa mga Kinatibuk-ang Kapangulohan sa Relief Society.

    Ang building nahuman niadtong 1956.

  4. Building sa Administrasyon sa Simbahan:

    Mga Opisina sa Unang Kapangulohan, sa Korum sa Napulog Duha ka mga Apostoles, ug ubang mga sakop sa Seventy.

    Ang building nahuman niadtong 1917.

  5. Memorial Building ni Joseph Smith:

    Hotel sa orihinal, karon anaa diha ang FamilySearch center, usa ka teyatro sa mga salida sa Simbahan, mga restawrant, mga opisina nga pang-administratiba sa Simbahan, ug usa ka chapel.

    Ang hotel nakompleto niadtong 1911; giayo pagka 1993.

  6. Templo sa Salt Lake:

    Sa wala pa kini sirad-i pagka-Disyembre 2019 alang sa mga pagpaayo, usa kini sa 166 sa gigamit nga mga templo sa tibuok kalibutan. Ablihan kini og balik inig ka 2024.

    Gipahinungod niadtong 1893.

  7. North Visitors’ Center:

    Nakatabang sa pag-abiabi sa 3 ngadto sa 5 ka milyon nga mga bisita sa Temple Square matag tuig.

  8. Tabernakulo sa Salt Lake:

    Panimalay sa Tabernacle Choir sa Temple Square.

    Ang building nahuman niadtong 1875.

  9. Museum sa Kasaysayan sa Simbahan ug sa Art:

    Nakatabang sa pagsugid sa istorya bahin sa Simbahan pinaagi sa art ug mga hinimo sa tawo nga mga karaang butang [artifacts].

    Ang building nahuman niadtong 1984.

  10. Family History Library:

    Ang kinadak-ang genealogical library sa kalibutan.

    Ang building nahuman niadtong 1985.

  11. Conference Center:

    Kasamtangan nga luna sa kinatibuk-ang komperensya, nga makapalingkod og 21,000 ka mga tawo; gigamit usab alang sa konsyerto ug kultural nga mga kalihokan.

    Ang building nahuman niadtong tuig 2000.