Mga Apostoles sa tibuok Kalibutan
Si Elder Soares Mibisita sa Colombia
Ang mga Apostoles mobiyahe sa tibuok kalibutan aron sa pagpangalagad sa katawhan ug sa pagtudlo kanila mahitungod ni Jesukristo.
Si Elder Ulisses Soares mibiyahe uban ni Presidente Dallin H. Oaks aron sa pagtabang sa pagpahinungod sa bag-ong templo didto sa Colombia, sa siyudad sa Barranquilla.
Daghang mga bata ang mikuyog sa ilang mga ginikanan aron motan-aw sa bag-ong templo nga ipahinungod.
Si Presidente Oaks midapit og usa ka batang lalaki ug babaye aron nga motabang sa pagsilyo sa bato sa pamag-ang diha sa dapit. Ang templo nahuman na!
Sa sulod sa templo human sa seremonya sa bato sa pamag-ang, si Elder Soares mihatag og pakigpulong. Dayon si Presidente Oaks mihatag sa pag-ampo sa pagpahinungod sa templo sa Ginoo. Karon ang templo mao ang balay sa Ginoo.
Sa dili madugay ang mga bata mahimong makasulod aron mabugkos ngadto sa ilang mga pamilya ug mohimo og mga bunyag sa templo!