Mahal Naming mga Magulang,

Dear Parents

Isa sa mga pangunahing mensahe ng Bagong Tipan ay makahanap tayo ng kapayapaan at kagalakan kay Cristo, anuman ang kalagayan natin sa buhay. Ang magasin sa buwang ito ay nagbabahagi ng gayon ding patotoo.

• Sa pahina K4, napanatag ang loob ng isang batang lalaki nang managinip siya ng masama.

• Sa pahina K8, isang batang babae na may Down syndrome ang napaalalahanan na mahal siya ng Ama sa Langit.

• Sa pahina K15, itinuro sa isang poster na lahat ng bagay ay posible sa tulong ni Jesucristo.

• Sa pahina K20–23, nagpakita si Pablo ng halimbawa ng pananampalataya.

Kapag binasa ninyo ang magasin na ito nang magkasama, hanapin ang mga paraan kung paano tinulungan ni Jesus at ng Ama sa Langit ang mga tao sa bawat kuwento. Maaari ninyong salungguhitan ang mga salita na naglalarawan sa mga hamon o pagsubok na naranasan nila. Pagkatapos ay bilugan ang mga salita na naglalarawan kung anong tulong ang natanggap nila. Bilang pamilya, pag-usapan kung paano inaalis kung minsan ang mga pagsubok, at kung minsan naman ay pinalalakas tayo para makayanan ang mga pagsubok. Alinman sa paraang ito, mahal tayo ni Jesus at ng Ama sa Langit at nariyan Sila para sa atin!

Umaasa kami na magiging masaya ang buwan ninyo,

Ang Kaibigan

• Mga Nilalaman

  • Pagmamahal sa Iba Tulad ng Pagmamahal ni Jesus sa Atin

  • Manalangin Lamang

  • Hello mula sa Democratic Republic of the Congo!

  • Ayokong Maging Iba!

  • Mga Apostol sa Iba’t Ibang Panig ng Mundo:

    Binisita ni Elder Stevenson ang Chile

  • Mga Apostol sa Iba’t Ibang Panig ng Mundo

    : Bumibisita si Elder Renlund sa mga Bata

  • Isang Puting Cap para kay Florence

  • Dapat Ko Bang Ituloy ang Pagbabasa?

  • Magandang Ideya

    : Magagawa Ko ang Lahat ng Bagay sa Pamamagitan ni Cristo

  • Ang Hamon Ukol sa Templo

  • Ipakita at Ikuwento

  • Matatapang na Halimbawa

    : Paglilingkod sa Panginoon sa Wikang Espanyol

  • Mga Kuwento sa mga Banal na Kasulatan:

    Mga Paglalakbay ni Pablo Bilang Misyonero

  • Pahinang Kukulayan:

    Matutulungan Ako ni Jesus na Gumawa ng Mahihirap na Bagay

Paano Ipapadala ang Artwork o Karanasan ng Iyong Anak sa Liahona

Pumunta sa liahona.ChurchofJesusChrist.org at i-klik ang “Submit an Article or Feedback.” O i-email ito sa [e-mail] kasama ang pangalan, edad, lungsod kung saan nakatira ang iyong anak at ang pahintulot na ito: “Ako, si [isulat ang iyong pangalan], ay nagbibigay ng pahintulot sa Ang Simbahan ni Jesucristo ng mga Banal sa mga Huling Araw na gamitin ang isinumite ng aking anak sa mga magasin ng Simbahan, sa mga website ng Simbahan, at sa mga social media platform.” Nasasabik kaming makarinig mula sa inyo!