Ang Kurikulum sa Seminary Ipahiangay sa Dali, Sunod Kanako

Ang pagtuon sa seminary sa tibuok kalibutan sa dili madugay ipahiangay sa kurikulum ug iskedyul sa Dali, Sunod Kanako, usa ka kausaban nga makapalambo sa pamaagi sa pagtuon sa ebanghelyo nga nakasentro sa panimalay ug gisuportahan sa Simbahan pinaagi sa hiniusang pagtuon diha sa panimalay, sa Sunday School, ug sa seminary.

Sugod sa 2020, ang mga klase sa seminary magtuon sa samang basahon sa kasulatan nga gigamit alang sa kurikulum sa Dali, Sunod Kanako matag tuig. Imbis nga mosunod sa tuig tingklase nga kalendaryo [school-year calendar], ang kurso sa pagtuon sa seminary mosunod sa tinuig nga kalendaryo [annual calendar].

Samtang ang mga pagtuon sa seminary magpadayon nga nakabase diha sa mga kasulatan, ang kurikulum mahimong mas gibase sa doktrina ug motabang sa paglig-on, pagpanalipod, ug pag-andam sa kabatan-onan alang sa mga misyon, kaminyoon, ug pagserbisyo sa Simbahan.

Basaha ang mas detalyado nga artikulo—nga naglakip og link ngadto sa usa ka video sa mga lider sa Simbahan, lakip ni Elder Holland, nga naghisgot sa kausaban—diha sa ChurchofJesusChrist.org/go/519122.