Man te Moan Beretitentii
Reiakina taekan Iesu
Iroun Beretitenti Russell M. Nelson
Man “Karekean Mwaakan Iesu Kristo nakon Maiura,” Riaona, Meei 2017, 39–42.
Te Atua e kanakoa Natina ae Iesu Kristo bwa e na buokira. E kona n reke korakoram mai iroun Iesu Kristo ngkana ko karaoi bwaai aikai:
-
Reiakina taekan te Tia Kamaiu. Tabeua te ririki n nako I wareka ao I raaini aan kiibu nako inanon koroboki aika tabu ake taekan Iesu Kristo. Ngke e bane, I tuanga kainnabau, “Ngai te mwaane ae e a bitaki!”
-
Kamatebwaia “Te Kristo ae Maiu.” Bon te kakoua ibukin Iesu Kristo mai irouia Burabeti ao Abotoro.
-
Kariaia bwa ko na kaokoro taetae, ao kaokoroko ma irouia aomatan te aonaaba.
-
Kataia Taraia n am iango n taainako (taraa Reirei ao Berita aika Tabu 6:36). Ngkana ko karaoa aei, am raraoma ao maakum a bua.
-
Karaoi berita aika tabu ao kawakini.
Iesu bon te Kristo! Mwaakana e tauraoi nakoira n tatabemaniira nako.