Go Stret long Poen
?Wan testemoni hem i moa bitim ol filing nomo?
Wan testemoni i wanem we Sevya i bin stap tokbaot taem Hem i bin talem long Pita: “Yu yu save harem gud, from we i no man we i soemaot samting ya long yu. Papa blong mi long heven, hem nomo i soemaot long yu” (Matiu 16:17). Hem i save ia we i kam long God, we i kamaot long yu tru long Tabu Spirit.
Tabu Spirit i toktok wetem wan voes we yumi filim moa bitim we yumi harem, be hem i kam long tugeta ia, “insaed long maen blong yu mo insaed long hat blong yu (D&C 8:2; oli ademap italik)—ol tingting blong yumi, mo tu, ol filing blong yumi.
Profet Josef Smit i tokbaot se spirit blong revelesen, i wan filing blong “waes tingting we i klin mo i stret evriwan, we i kam insaed long yu, i givim yu wan aedia mo wan nara aedia” (Luk long, Teachings of Presidents of the Church: Joseph Smith [2007], 132).
Taem we yumi tanem maen mo hat blong yumi—ol tingting, filing mo wanem we yumi wantem—i go long God, bambae Hem i save toktok i go long maen mo hat blong yumi wetem kwaet, smol voes blong Tabu Spirit. Taem Hem i stap kam toktok wetem spirit blong yumi, bae i luk olsem se i gat samfala kaen filing mo tingting we oli kam long yumi. Hemia nao testemoni we Hem i stap givim long yumi.