Skripja Stori
Esta we I Kwin
I Kamaot long Esta 2-8.
Esta i wan kwin. Hem i mared i go long king blong Pesia.
King i bin gat wan fren we i wan nogud man. Hem i trikim king, !blong king i mekem wan loa se oli mas kilimded evri Jiu! King i no bin save se waef blong hem, Esta i wan Jiu.
Esta i disaed blong askem hasban blong hem, we i king, blong sevem ol pipol blong hem. Be hem i wari se maet bae king i kros long hem. Esta i askem evri Jiu blong oli livim kakae mo prea from hem. Afta nao, Esta i go luk king. !King i no bin kros!
Esta i invaetem king mo fren blong hem ia blong tufala i kam kakae. Long taem blong kakae, Esta i talem long king se hem, hem i wan Jiu. King i bin kros long fren blong hem ia we i bin trikim hem. Bae hem i talem long Ol Jiu we oli save protektem olgeta. !Esta i bin help blong sevem ol pipol blong hem!
Yumi save prea blong askem Papa long Heven blong kasem help. Yumi save stanap stret mo gat strong paoa long tingting, olsem Esta.