BYU–Pathway Worldwide
Sa atong panahon ang Ginoo mao ang naglihok uban sa gahum sa Iyang Simbahan aron sa pagpalambo sa pagkat-on ug pagpalapad pa niini diha kaninyo. Tingali ang labing maayong ehemplo sa Simbahan sa pagpalambo sa pagkat-on mao ang 2017 nga pahibalo sa usa ka bag-ong organisasyon sa Church Educational System (CES) nailhan nga BYU–Pathway Worldwide. Kining bag-ong organisasyon nadasig sa Pathway program.
Pathway
Niadtong 2009 ang Church Board of Education mitugot sa Brigham Young University–Idaho sa paghimo og usa ka bag-ong academic program nga gitawag og Pathway sa tuyo sa pag-abli og mga oportunidad alang sa higher education sa daghan pa nga mga miyembro sa Simbahan. Ang Pathway mao ang tulo ka semester nga programa nga nag-andam sa mga estudyante alang sa higher education pinaagi sa online courses ug sa pagpundok sa institute o sa meetinghouse sa matag semana sa pagdawat og relihiyuso nga edukasyon ug sa pag-apil sa student-led academic discussions gamit ang materyal sa online courses. Ang Pathway program giyahan sa mga lider sa lokal nga priesthood ug gidumala ang Church-service missionaries kinsa mo-mentor ug mosuporta sa mga estudyante. Ang tulo ka katuyoan sa Pathway mao ang (1) pagpatuhop sa ebanghelyo diha sa mga kasingkasing sa mga estudyante, (2) pagtabang sa mga estudyante nga mahimong mga tigkat-on, ug (3) pag-andam sa mga estudyante sa paggiya ug pagsuporta og pamilya.
Ang Pathway naglihok karon sa mga 500 ka mga dapit sa tibuok kalibutan ug nagserbisyo og sobra sa 57,000 ka mga estudyante, nag-abli sa pultahan sa oportunidad, nagdugang og paglaum ug hugot nga pagtuo sa Manluluwas, ug nagpalambo sa pagkat-on sa liboan kaninyo. Ang pagkompleto sa Pathway program nakapahimo sa daghang mga estudyante sa pag-enroll sa oportunidad sa higher education, lakip sa certificate ug mga degree program nga gitanyag sa online pinaagi sa BYU–Idaho o sa lokal nga mga institusyon sa edukasyon.
BYU–Pathway Worldwide
Ang kalamboan ug kalampusan sa Pathway program nakapadasig sa paghimo og bag-ong organisasyon, nga sakop sa tanan nga mga institusyon sa CES, nga gitawag og BYU–Pathway Worldwide (BYU–PW). Ang BYU–PW modumala sa Pathway ug makigsabut sa tanang ubang CES online higher education certificate ug mga degree program. Ang organisasyon moserbisyo sa mga estudyante pinaagi sa mga online courses ug modumala sa mga kalihokan sa pagpundok sa mga dapit sa Pathway sa tibuok kalibutan, lakip sa student-led academic discussions ug workshops ug local career services.
Ang BYU–PW mao ang bunga sa usa ka polisiya nga giaprobahan sa Church Board of Education niadtong Nobyembre 2015: “Ang Church Educational System maningkamot sa paghatag og mga oportunidad sa edukasyon ngadto sa mga miyembro sa Simbahan bisan asa ang Simbahan naorganisar.”
Ang BYU–Pathway Worldwide makatabang kaninyo sa pag-access sa online certificate niini ug sa mga degree program nga makapaabli og nindot nga mga oportunidad sa panarbaho. Ang pag-apil sa relihiyuso nga edukasyon sa institute ug pagkat-on pinaagi sa Espiritu sa pamaagi sa Ginoo, makakat-on kamo og dugang bisan asa kamo magtuon. Agig dugang sa academic advising, kamo dunay access sa tambag ug suporta gikan sa CES ug Self-Reliance Services personnel sa pagtabang kaninyo sa pagpangita og internships ug mga trabaho o pagpadayon og lokal nga mga oportunidad sa edukasyon.
Maka-access kamo sa mga programa sa BYU–Pathway Worldwide, lakip na sa Pathway, English language instruction, mga certificate, ug mga degree, pinaagi sa inyong lokal nga mga unit ug mga lider sa Simbahan. Kini nga mga programa anaa sa daghang mga dapit karon, ug ang BYU–PW padayon nga modugang og bag-ong mga dapit sa Pathway ug bag-ong mga programa sa sinukod, kanunay nga paagi samtang magpadayon ang Simbahan ubos sa direksyon sa Ginoo.