Pagkahimong Sama ni Nephi
Usa ka adlaw akong nakat-unan sa Primary ang pagkamatinud-anon ug pagkamatarung ni Nephi. Mao nga mihukom ko nga maparehas ni Nephi.
Sa pagkasunod adlaw naningkamot ko nga makahimo og mas maayong mga pagpili. Gipikhan ko sa akong igsoon. Naglagot ko. Gusto kong mobawos niya, apan nakahukom kong maparehas ni Nephi. Imbis mobawos sa akong igsoon, mipalayo lang ko. Nakatabang kini nga mawala ang akong kalagot.
Sa laing higayon, giduwaan sa akong igsoon ang akong eroplano nga wala mananghid, ug nabalaka ko basin iya kining maguba. Mao nga gitarung nako siya og hangyo nga iyang iuli kanako, ug iyang gibuhat!
Usahay lisud ang paghimo og hustong mga pagpili, apan naghunahuna ko kang Jesus ug sa mga ehemplo ni Nephi. Gibasa usab nako ang akong mga kasulatan matag gabii, ug nakatabang kini kanako sa tibuok adlaw sa paghimo og matarung nga mga pagpili. Nasayud ko nga kon magmatinud-anon kita sama ni Jesus ug ni Nephi, makapalipay kini kanato.