Nāhea e nehenehe ai iāʼu ’ia tuatāpapa i roto i tōūʼ feruriraʼa ’e ma toū ʼāʼau ?
ʼA ʼimi e aha tā ʼoutou e nehenehe e rave mai te mea e mau uiraʼa tā ʼoutou.
E aha te mea e tiʼa ia ʼoutou ’ia rave mai te mea e uiraʼa tā ʼoutou nō niʼa i te tahi haʼapiʼiraʼa tumu, te ʼāʼamu, ’aore rā nō ʼoutou iho ? Nāhea ʼoutou e ʼite ai i te pāhonoraʼa ? ’Ua fafau te Fatu, « e faʼaʼite au ia ’oe i roto i tō ’oe feruriraʼa ’e i roto i tō ’oe ʼāʼau, nā roto i te Vārua Maitaʼi » (PH&PF 8:2). Nāhea ʼoutou ’ia faʼaʼohipa i tō ʼoutou feruriraʼa ’e te ʼāʼau nō te ʼite i te faʼaururaʼa ? Teie te tahi mau manaʼo.
Ferurira’a
ʼA taiʼo, ʼa pure, ʼa faʼaroʼo
’Ua parau ʼo Elder Robert D. Hales nō te Pupu nō te Tino ʼAhuru ma Piti ʼĀpōsetolo ē ’ia rave anaʼe tātou i te « mau fa’aotira’a rarahi nō te orara’a… te tītau nei te Metua i te Ao ra ’ia fa’aohipa tātou i tō tātou ti’amāra’a, ’ia tuatāpapa maite tātou i te ’ohipa i roto i tō tātou ferurira’a mai te au i te mau ture nō te ’evanelia, ’e ’ia ’āfa’i atu i mua Iāna te hō’ē fa’aotira’a nā roto i te pure ». (« Te Vārua Maitaʼi » ,Liahona, Me 2016, 105).
Hōʼē ā nō te mau uiraʼa atoʼa. ’Ia tuatāpapa ʼoutou, ʼa pure ma te ʼāʼau hinaʼaro mau nō te mau pāhonoraʼa tā ʼoutou e ʼite atu. E hōroʼa mai te Vārua Maitaʼi ia ʼoutou i te mau parauriʼiriʼi—nā roto ānei i te mau manaʼo, te mau parau i roto i tō ʼoutou feruriraʼa, ’aore rā te tahi atu mau faʼahaʼamanaʼoraʼa ia ʼoutou iho—nō te arataʼi ia ʼoutou i te tahi atu ā mau pāhonoraʼa hinaʼarohia e ʼoutou.
ʼA faʼaʼohipa i te mau rāveʼa.
ʼA māʼimi i te mau pāpaʼiraʼa moʼa, mai te Arataʼiraʼa nō te mau Pāpaʼiraʼa Moʼa ’e te tahi atu mau tauturu nō te tuatāpaparaʼa. E nehenehe atoʼa ʼoutou e māʼimi i te tahi atu mau rāveʼa a te ’Ēkālesia mai te mau aʼoraʼa nō te ’āmuiraʼa rahi, te mau Parau Tumu nō te ʼEvanelia i niʼa i te LDS.org, te mau veʼa ʼa te ʼĒkālesia, te ʼOpuaraʼa nō te mau Parau ʼa Iosepha Semita, ’e te tahi atu ā. (Hiʼo i te ’api 54 nō te hōʼē tābula tauturu nō te mau Rāveʼa ʼa te ʼĒkālesia.)
’A paraparau nō ni‘a i te reira.
’Eiaha e mataʼu i te ani i te tauturu. ’Ua faʼaitoito ’o Elder Ronald A. Rasband nō te Pupu nō te Tino ’Ahuru ma Piti ʼĀpōsetolo, « e hōroʼa atu vau ia ʼoutou i te hōʼē tītauraʼa… E tiʼa ia ʼoutou ’ia feruri i te tahi taʼata [e nehenehe e tauturu ia ʼoutou ’ia ʼite i te mau pāhonoraʼa]—te hōʼē hoa tiʼaturihia, te hōʼē metua ’aore rā te mau metua, te metua tupuna, te ’orometua, ’episekōpo, [aore rā] tauturu… —’e tītauhia ia ʼoutou ’ia pāhonohia i teie mau uiraʼa » (Haʼapurororaʼa mata e mata, 20 nō tenuare 2016). ’A tāmata nā ! ʼA paraparau atu i te tahi taʼata tā ʼoutou i tiʼaturi nō niʼa i tā ʼoutou mau uiraʼa ’e ʼa ’imi ’āmui i te mau pāhonoraʼa.
ʼĀʼau
ʼA taiʼo, ʼa pure, ʼa faʼaroʼo
Teie te mau taʼahiraʼa faufaʼa rahi nō te feruri ma tō ʼoutou feruriraʼa e tō ʼoutou ʼāʼau. ’Ua parau te peresideni Dieter F. Uchtdorf, tauturu piti i roto i te Peresideniraʼa Mātāmua, « ’Ia hinaʼaro ʼoutou ’ia ʼite mai i te parau mau pae vārua, e ti‘a ia ʼoutou ’ia faʼa‘ohipa i te mau mauihaʼa tano. E’ita tā ʼoutou e nehenehe e māramarama i te parau mau pae vārua nā roto i te mau’haʼa tei ʼite ʼore i te reira ». (« Te fāriʼiraʼa i te hōʼē ʼiteraʼa pāpū nō te māramarama ’e te parau mau » Liahona, Novema 2014, 22). ’Ua riro te Vārua Maitaʼi ’ei mau’haʼa e haʼapiʼi ai tātou i te mau mea pae vārua. Nō reira ’ia pure anaʼe ʼoutou ’e ’ia faʼaroʼo ʼoutou i te Vārua, e tae i te taime e nehenehe ia ʼoutou ’ia ʼite i te mau pāhonoraʼa.
ʼA faʼaʼoromaʼi
’Ua haʼamāramarama atoʼa mai te peresideni Uchtdorf ē, « rahi noa atu tātou i te faʼaʼopa i tō tātou ʼāʼau ’e te mana‘o i ni‘a i te Atua, rahi noa atoa atu te māramarama ʼo te raʻi i te topata i ni‘a i tō tātou vārua… E te mau mea i riro nā ’ei mea mohimohi, pōiri ’e te ātea, e riro marū mai ïa ’ei mea pāpū, ʼanaʼana ’e te mātauhia e tātou. (« Te fāriʼiraʼa i te hōʼē ʼiteraʼa pāpū nō te māramarama ’e te parau mau », 22) E nehenehe te māʼimiraʼa i te mau pāhonoraʼa i te riro ’ei raveraʼa roa. Mai te mea rā ’ua ineine ʼoutou i te faʼaroʼo i te mau pāhonoraʼa, noa atu te roa o te taime, e ʼite ïa ’outou i te reira.
ʼA faʼaʼohipa i te ʼiteraʼa i te mau muhumuhura’a
’Ia rahi tō ʼoutou ʼiteraʼa i te mau muhumuhura’a ’e te ineineraʼa i te rave i te ʼohipa ’ia muhumuhu mai te Vārua i tō ʼoutou ra ʼāʼau, e mea ohie aʼe ïa ia ʼite i te tahi atu ā mau muhumuhura’a i te mau taime i mua atu. Peneiaʼe e « ʼite ʼoutou ē ’ua tiʼa ihoa » ’aore rā e ʼite ʼoutou ē « e haʼapōurihia te manaʼo » mai te mea e mea hape (hiʼo PH&PF 9:8–9). E nehenehe atoʼa ʼoutou e ʼite i te hōʼē faʼahaʼamanaʼoraʼa marū, te hōʼē manaʼo hau, ’aore rā te tahi atu manaʼo taʼa ʼē nō ʼoutou iho. ’Ua ʼite te Fatu ʼo vai ʼoutou, ’e ’ua ʼite ʼOia e nāhea ’outou ’ia ta’a i te Vārua. E hōroʼa mai ʼOia ia ʼoutou i te arataʼiraʼa here nō ’outou iho. Nō reira ʼa tāmau noʼa i te faʼaroʼo ’e i te ha’api’ipi’i