សារលិខិតបង្រៀនសួរសុខទុក្ខ
គោលបំណងនៃសមាគមសង្គ្រោះ
សូមសិក្សាអត្ថបទនេះប្រកបដោយការអធិស្ឋាន និងស្វែងរកការបំផុសគំនិត ដើម្បីដឹងពីអ្វីដែលត្រូវចែកចាយ ។
ស៊ិស្ទើរ លីនដា ខេ ប៊ើតុន ប្រធានសមាគមសង្គ្រោះទូទៅ មានប្រសាសន៍ថា គោលបំណងនៃសមាគមសង្គ្រោះគឺដើម្បី « រៀបចំស្ត្រីសម្រាប់ពរជ័យនៃជីវិតដ៏នៅអស់កល្បជានិច្ច » ។១ តាមរយៈសេចក្ដីជំនឿ ក្រុមគ្រួសារ ការសង្គ្រោះនោះហើយ ដែលយើងរួមចំណែកនៅក្នុង « ផ្នែកដ៏សំខាន់នៅក្នុងកិច្ចការ » របស់យើង ។២
ខារ៉ូល អិម ស្ទេហ្វិន ទីប្រឹក្សាទីមួយក្នុងគណៈប្រធានសមាគមសង្គ្រោះទូទៅមានប្រសាសន៍ថា សមាគមសង្គ្រោះ « គឺជាកិច្ចការខាងសាច់ឈាម និង ខាងវិញ្ញាណ ។ « នោះគឺជាកិច្ចការដែលស្ត្រីនានាបានធ្វើនៅក្នុងជំនាន់របស់ព្រះអង្គសង្គ្រោះ ហើយជាកិច្ចការដែលយើងបន្តធ្វើ » ។៣
នៅពេលយើងមើលទៅស្ត្រីសាសន៍សាម៉ារីនៅអណ្តូងទឹក ដែលបានទុកក្អមទឹកចោល ហើយបានរត់ទៅប្រាប់មនុស្សដទៃថា ព្រះយេស៊ូវគឺជាព្យាការី ( សូមមើល យ៉ូហាន ៤:៦–៤២ ) ឬ នាងភីបេ ដែលបម្រើមនុស្សដទៃយ៉ាងរីករាយពេញមួយជីវិតរបស់នាង ( សូមមើល រ៉ូម ១៦:១–២ ) នោះយើងឃើញពីគំរូរបស់ស្ត្រីនៅក្នុងជំនាន់របស់ព្រះអង្គសង្គ្រោះ ដែលមានភាពសកម្មក្នុងការមកឯព្រះគ្រីស្ទ ។ ទ្រង់គឺជាអង្គដែលបើកផ្លូវរបស់យើងទៅកាន់ជីវិតអស់កល្បជានិច្ច ( សូមមើល យ៉ូហាន ៣:១៦ ) ។
នៅពេលយើងមើលពីបងប្អូនស្រីត្រួសត្រាយរបស់យើងនៅទីក្រុង ណៅវូ រដ្ឋ អិលលីណោយ ដែលបានជួបជុំគ្នានៅក្នុងផ្ទះរបស់ សារ៉ា ឃឹមបឹល កាលពីឆ្នាំ ១៨៤២ ដើម្បីបង្កើតអង្គការផ្ទាល់របស់ពួកគាត់ នោះយើងឃើញពីផែនការរបស់ព្រះ ក្នុងការនាំឲ្យសមាគមសង្គ្រោះមានរូបរាងឡើង ហើយធ្វើតាមអ្នកកាន់បព្វជិតភាព ។ បន្ទាប់ពី អ៊ីឡៃស្សា អរ ស្នូ បានសរសេរច្បាប់នោះហើយ ព្យាការី យ៉ូសែប ស៊្មីធ បានពិនិត្យច្បាប់នោះឡើងវិញ ។ លោកបានដឹងថាសាសនាចក្រ នឹងមិនអាចបានរៀបចំឡើងបានពេញលេញឡើយ លុះត្រាក្រុមស្រ្តីត្រូវបានបង្កើតឡើង ។ លោកបានមានប្រសាសន៍ថា ព្រះអម្ចាស់បានទទួលយកការបូជារបស់ពួកគេ ប៉ុន្តែមានអ្វីៗជាច្រើនដែលកាន់តែប្រសើរ ។ លោកមានប្រសាសន៍ថា « ខ្ញុំនឹងរៀបចំស្ត្រីនៅក្រោមបព្វជិតភាព ទៅតាមគន្លងនៃបព្វជិតភាព » ។៤
« សមាគមសង្គ្រោះមិនត្រឹមតែជាក្រុមមួយផ្សេងទៀតរបស់ស្ត្រី ដែលព្យាយាមធ្វើកិច្ចការល្អៗនៅក្នុងពិភពលលោកនេះឡើយ ។ វាខុសពីនោះ ។ វាគឺជា ‹ ក្រុមមួយដ៏ប្រសើរ › ដោយសារក្រុមនេះត្រូវបានបង្កើតឡើងក្រោមសិទ្ធិអំណាចបព្វជិតភាព ។ អង្គការនេះគឺជាជំហានដ៏ចាំបាច់នៅក្នុងការបើកបង្ហាញកិច្ចការរបស់ព្រះនៅលើផែនដីនេះ » ។៥
ខគម្ពីរ និង ព័ត៌មានបន្ថែម
គោលលទ្ធិ និង សេចក្តីសញ្ញា ២៥:២–៣, ១០; ៨៨:៧៣,គេហទំព័រ reliefsociety.lds.org
សេចក្ដីជំនឿ ក្រុមគ្រួសារ ការសង្គ្រោះ