Autalavou
E Mafai e se Ataata ona Faia le Eseesega
Ua faailoa mai e Peresitene Uchtdorf ni sini se lua e tatau ona tatou maua mo a tatou amioga: alofa i le Atua ma o tatou uso a tagata. Ae o nisi taimi e le faigofie lava ona alofa atu i isi. I lou olaga atoa, atonu e i ai ni taimi e faigata ai ia te oe ona fegalegaleai ma isi—atonu o se tasi sa faatiga ia te oe pe e faigata ia te oe ona fesootai pe fiafia faatasi ma se tasi. I nei taimi, taumafai ia manatua le alofa sa e lagonaina mai i uo, aiga, Tama Faalelagi, ma Iesu Keriso. Ia manatua le olioli sa e lagonaina i na tulaga ma taumafai e vaai faalemafaufau pe sa maua e tagata uma le avanoa e lagona ai sea ituaiga alofa. Ia manatua o tagata uma o se afafine po o se atalii a le Atua ma e taua uma Lona alofa ma lou alofa.
Mafaufau i se tagata faapitoa i lou olaga e faigata ia te oe ona fiafia i ai. Faaaofia i latou i au tatalo ma ole atu i le Tama Faalelagi ina ia tatala lou loto ia i latou. O le a vave ona e vaai atu ia i latou i le ala Na te silasila ai: o se tasi o Ana fanau e tatau i ai le alofagia.
A maea ona e tatalo, ia faia se mea manaia mo i latou! Atonu e valaaulia i latou i se gaoioiga o le Mutuale po o se tafaoga ma ni uo. Ofo atu e fesoasoani i se meaaoga. Pe tau lava o le fai atu “talofa” ma ataata atu ia i latou. E mafai e mea laiti ona faia se eseesega tele … i o oulua olaga!