Mga Istorya sa Basahon ni Mormon
Mibisita si Jesus sa mga Nephite
Sa dihang si Jesus nagpuyo pa dinhi sa yuta, Iyang giayo ang katawhan nga may balatian o nasakitan. Iyang gitudloan ang katawhan kon unsaon sa pag-ampo. Iyang gipanalanginan ang mga bata.
Mitawag Siya og 12 ka mga Apostoles ug mihatag kanila sa sakrament aron sa pagtabang kanila sa paghinumdom Kaniya.
Dayon si Jesus namatay ug nabanhaw.
Human Siya nabanhaw, si Jesus mibisita sa mga Nephite, kinsa nagpuyo tabok sa kadagatan.
Mitawag Siya og 12 ka disipulo ug mihatag kanila sa priesthood. Iyang giayo ang mga tawo nga may balatian o nasakitan. Iyang gitudloan ang katawhan kon unsaon sa pag-ampo. Ang tanan miyukbo ug misimba Kaniya.
Si Jesus misulti sa mga Nephite sa pagdala sa ilang mga bata ngadto Kaniya. Siya miampo, ug dayon Siya mipanalangin sa matag bata. Ang mga anghel miabut aron sa pagbisita kanila.
Si Jesus mihatag sa mga Nephite sa sakrament aron kanunay silang mohinumdom Kaniya.