Jodikdik ro

Mool n̄an Tōmak eo Aer

Būreejtōn Monson ej kwalok juon bwebwenato kōn juon baamle baineer innām kouti tok Būreejtōn George Albert Smith: “Komnaaj ke mour jimwe n̄an tōmak eo an jibūmi im jimmaami? … Kajjieon̄ mour erreo kōn aolep jerbal in wujleplok ko [rekar] kōmmani n̄an kom.” Elan̄n̄e ekar wōr juon nukum baineer ak komij kein kajuon epepen in uwaan Kabun̄ in, komij ke errelok n̄an waanjon̄ok ko kōn tōmak n̄an tōl im kajoor? En̄iin ej juon wāween eo kom maron̄ ijjino kake:

1. Kōm̧m̧ane juon laajrak in armej ro remman ippāmi. Remaron̄ naaj uwaan baamle eo am make (etto ak kiiō) ro jeram, ritōl ro an Kabun̄, ak armej ro ilo jeje ko rekwojarjar.

2. Je ta emman ko ewōr ippāer me remman ippam. Jinōm ej lukkuun kijenmej? Bōlen eo jeram elukkuun jouj n̄an ro jet. Bōlen kwōj iokwe peran eo an Kiāptin Moronai.

3. Kālōt juon mwil emman jān laajrak ne am im kajitōkin eok make, “Ewi wāween aō maron̄ bōk mwil emman in? Ta eo ij aikuj kōmmane n̄an ejaake menin ilo mour e aō?”

4. Je karōk ko am n̄an ejaake mwil emman in im likūti ijo enaaj ikkutkut am loe, n̄an kakeememej eok kōn kōttōpar eo am. Jar kōn jipan̄ eo an Jemdwōj Ilan̄ im lale eddōklok eo am iien otemjej. N̄e kwōj en̄jaake bwe ebwe am eddōklok ilo mwil emman in, komaron̄ kālōt bar juon mwil emman im jino am kōmmane.

Keememej bwe ilo ad ejaake mwil emman ko ilo mour kein ad, jej jab kautiej wōt tōmak eo an ro jibwid im jimmaad im jerbal in wujleplok ko rekar kōmmani, bōtaab jemaron̄ barāinwōt naaj juon waanjon̄ok kōn wānōk n̄an ro ipelaakid.