Maua Nisi Lomiga o Tusitusiga Paia

Ua maua nei ia tusitusiga paia i le tele o gagana.

I le Faapotukale, ua maua nei se lomiga ua lolomiina o le Tusi Paia ma se lomiga ua toefaafouina o le fusitolu. Ua maua le lomiga faaeletonika talu mai Setema 2015 i le asescrituras.lds.org ma luga o le polokalama feaveai o le Potutusi o le Talalelei. O loo maua faamatalaga faaopoopo i le Faapotukale i le bibliasagrada.lds.org.

I le gagana Sipaniolo, ua maua lomiga ua toe faafouina o tusitusiga faavae i le initoneti i le escrituras.lds.org ma luga o le polokalama feaveai o le Potutusi o le Talalelei. O le a amata ona maua kopi ua lolomiina i le faaiuga o Iuni 2016.

O le fusi tolu fou i le gagana Maresala, Faaxhosa, ma le Faasulu ma le Tusi a Mamona i le Chuukese ua uma ona lolomiina ma e maua i faletusi autu ma i le store.lds.org. O loo maua foi lauga i luga o le polokalama feaveai o le Potutusi o le Talalelei.

O faaliliuga o tusitusiga Paia i isi gagana e 16, ia na o le lolomiina na maua ai talu ai, ua uma ona lolomiina ma faasalalauina atu i le LDS.org ma i le Gospel Library app: o le tusi fusitolu i le faaAferika, Aremania, Palekeria, Kemupotia, Fante, Faaigbo, Lativia, Litunia, Faashona, ma le Suaili; ma le Tusi a Mamona i le faaHindi, Hmong, Serepia, Tok Pisin, Faatwi, ma le Iapi.