Elder Weatherford T. Clayton

Fitugafulu o le Pulega Aoao

Ua matua faafetai Elder Weatherford T. Clayton mo le avanoa e auauna atu ai. O le galuega a le Alii o se mea e faamuamua mo ia. Na te lagona le alofa tele mo tagata ma sootaga malolosi i lona aiga.

“I le talalelei a Iesu Keriso, tatou te mafai uma ai ona faapotopoto i le aiga,” o le saunoaga lea a Elder Clayton. “Na lagona e lo’u aiga le uunaiga a i latou o e ua maliliu. E moni i latou e pei foi o i latou o e o soifua mai nei.”

Sa soifua mai i Kalefonia, ISA, i le aso 1 o Mati, 1952, ia Whitney Clayton Jr. ma Elizabeth Touchstone Clayton, na maua e Elder Clayton se molimau malosi i lona talavou e uiga i le faiaoga o aiga. Ona o taumafaiga a se faiaoga o aiga, na talia ai e ia, i le 12 o ona tausaga ma lona aiga se feagaiga paia o le talalelei ma faamauina i le Malumalu o Sate Leki i le 1964 e Elder Harold B. Lee o le Korama a Aposetolo e Toasefululua i lena taimi.

O le mafaufau ai i auala na saunia ai o ia e le Alii e auauna atu, na saunoa ai Elder Clayton i le uunaia soo o ia e faataitaiga a isi: “Sa ou vaai i le ala na tuuto atu ai e uo ma aiga o latou ola i le Alii ma maua lo latou olioli i le auaunaga sa latou ofoina atu i le Atua.”

Ina ua uma ona auauna atu i le Misiona a Farani Kanata, sa lesitala o ia i le Iunivesite o Iuta, lea na ia feiloai ai ia Lisa Thomas. Sa la faaipoipo i le aso 16 o Mati, 1976, i le Malumalu o Sate Leki. O i laua o ni matua o se fanau e toalima.

Sa mauaina e Elder Clayton se faailoga i mataupu tau le mafaufau ma faamaeaina le aoga faafomai i le Iunivesite o Iuta. Sa ia galue i se ofisa faafomai patino o se obstetrician-gynecologist mai le 1985 i le 2013, a o lei valaauina e avea ma peresitene o le Misiona a Kanata Toronto.

Sa avea o ni taitai o le misiona a le uarota, faiaoga o Aoaoga Faavae o le Talalelei, peresitene o Alii Talavou, faufautua o talafaasolopito o aiga, faiaoga o le Aoga Sa mo le autalavou, epikopo, fautua maualuga, fesoasoani i se au peresitene o le siteki, ma se peresitene o le siteki.