Elder Joaquin E. Costa

Fitugafulu o le Pulega Aoao

Sa faatulaga e se uo e faapipiia tagata ia Joaquin Esteban Costa i le ala lea na tau atu ai i lona liua i le talalelei a Iesu Keriso, o se faaipoipoga i le malumalu, ma le taitaiga i le Ekalesia.

Sa soifua mai Joaquin Costa i le aso 8 o Mati, 1965, ia Eduardo J. Costa ma Graciela M. Fassi. Ao avea ma se tagata aoga i le iunivesite i Buenos Aires, Atenitina, sa faamasani e se uo e igoa ia Alin Spannaus, lea ua avea nei ma se Fitugafulu Eria, o ia ia Renee Varela. O se augatupulaga lona lua o le Au Paia o Aso e Gata Ai, sa le mautonu Renee ao lei taliaina se tafaoga faamasani ma le 21 tausaga, o le e le o tagata o le Ekalesia. Ina ua mavae le tolu o tafaoga faamasani sa iloaina e [Renee] e na te “fiafia tele ia te ia” ma lagona ai e le tatau ona la toe tafafao faamasani. I le faaiuga o le tausaga aoga, sa toe foi atu [Joaquin] i lona nuu na fanau ai, o Entre Rios, Atenitina.

Na taliaina e Renee se valaauga e auauna atu i le Misiona a Chile Osorno. Ina ua ia toe foi atu i le fale, sa faatulagaina e Brother Spannaus mo ia ma Joaquin e auai i le pati lava e tasi, lea na talosaga atu ai Joaquin mo se tafaoga faamasani. “Sa ou tatalo ma filifili loa e tuu atu ia te ia se avanoa,” o le tala lea a Sister Costa.

E lei leva ae ua aoao Joaquin e uiga i le Ekalesia. A o ia suesue ai ma faifeautalai, sa talosaga atu Renee ia te ia e tatalo ma faitau le Tusi a Mamona mai le amataga e oo i le faaiuga.

“Na te lei oo i le faaiuga ae ua ia mauaina se molimau malosi,” o le tala lea a Sister Costa. “Na te lei papatiso tau ina ia faafiafia ai o au. Sa ma tafafao faamasani mo le isi tasi tausaga ona faaipoipo lea i le Malumalu o Buenos Aires Atenitina i le 1989.”

Sa maua e Elder Costa lana faailoga o le tagata malaga i mataupu tau tupe i le 1987 mai le Iunivesite o Buenos Aires. Ao avea ma se ulugalii talavou sa la siitia atu i Provo, Iuta, ISA, lea na ia mauaina ai se faailoga o le matuaofaiva i pulega faapisinisi i le 1994 mai le Iunivesite o Polika Iaga. Sa la nonofo ma le la aiga ua faatupulaia, lea na aofia ni tamaiti se toafa, i Sikako, Ilinoi, ISA, ao ia faigaluega ai mo se faletupe faavaomalo ma le kamupani o auaunaga tau tupe. O lona faigaluega ai i le faletupe na toe aveina atu ai lona aiga i Atenitina mo ni nai tausaga ma sosoo ai ma le Ripapelika o Siekisolovakia ma oo atu ai i le Sultanate o Omani. Mo le lua tausaga ua mavae, sa latou nonofo ma lona aiga i Lima, Peru, lea na ia faigaluega ai i se kamupani o mea tautupe a Take e taulai atu i auaunaga tautupe.