Elder Weatherford T. Clayton

Hitu ’Ahuru Hui Mana Fa’atere Rahi

’Ua māuruuru roa Elder Weatherford T. Clayton nō teie rāve’a tāna ’ia tāvini. ’Ua riro te ’ohipa a te Fatu ’ei ’ohipa mātāmua nōna. E here rahi tōna nō te ta’ata ’e e aura’a pūai nō tōna ’utuāfare.

« Nā roto i te ’evanelia a Iesu Mesia, e ti’a i te tā’āto’ara’a ’ia putuputu i te fare », tē parau nei Elder Clayton. « ’Ua ’ite tō’u ’utuāfare i te fa’aurura’a a rātou tei fa’aru’e nā mua atu. E ta’ata mau rātou mai rātou e ti’a nei ia tātou.

’Ua fānauhia ’oia i California, i te fenua Marite, i te 1 nō māti 1952, e Whitney Clayton Jr. ’e e Elizabeth Touchstone Clayton, ’ua fāri’i Elder Clayton i te hō’ē ’itera’a pāpū pūai i tōna ’āpīra’a maoti te hāhaera’a ’utuāfare. Nā roto i te tauto’ora’a a te hō’ē ha’api’i ’utuāfare, ’ua fāri’i ’oia, i te 12ra’a o te matahiti, ’e tōna ’utuāfare i te mau fafaura’a mo’a o te ’evanelia ’e ’ua tā’atihia rātou i roto i te hiero nō Roto Miti i te matahiti 1964 e Elder Harold B. Lee nō te pupu nō te Tino ’Ahuru Ma Piti ’āpōsetolo i terā ra tau.

’Ia feruri ’oia i te mau rave’a a te Fatu i te fa’aineinera’a iāna ’ia tāvini, tē parau nei Elder Clayton ē, e fa’aurura’a tāna i fāri’i pinepine i roto i te hi’ora’a o te tahi mau ta’ata : « ’Ua hi’o vau nāhea tō’u mau hoa ’e te fēti’i i pūpū i tō rātou orara’a i te Fatu ma te ’ite mai i te ’oa’oa i roto i teie tāvinira’a tā rātou i pūpū i te Atua ».

I muri iho tāna misiōni i te tuha’a farāni nō Canada, ’ua haere ’oia i te fare ha’api’ira’a tuatoru nō Utah, i reira ’oia i te mātaura’a ia Lisa Thomas. ’Ua fa’aipoipohia rāua i te 16 nō māti 1976 i roto i te hiero nō Roto Miti. E pae tā rāua tamari’i.

’Ua roa’a ia Elder Clayton te parau tu’ite nō te ’ihi manava (psychologie), ’e ’ua fa’aoti ato’a i te ha’api’ira’a ea i te fare ha’api’ira’a teitei nō the Pacific. ’Ua ’ohipa ’oia i roto i te hō’ē taiete nō te ea ’ei taote fānau tamari’i mai te matahiti 1985 i te matahiti 2013, hou tāna pi’ira’a ’ia tāvini ’ei peresideni nō te misiōni nō Canada Toronto.

’Ua tāvini ’oia ’ei fa’atere misiōni nō te pāroisa, ’ei ’orometua ha’api’ira’a ’evanelia, ’ei peresideni Feiā ’Āpī Tamāroa, ’ei tauturu ’ā’amu ’utuāfare, ’ei ’orometua Ha’api’ira’a Sābati, ’ei ’episekōpo, ’ei melo ’āpo’ora’a teitei, ’ei tauturu i roto i te peresidenira’a titi ’e ’ei peresideni titi.