Jodikdik ro

Wāween ko n̄an Jipan̄ ilo iien Kūrijm̧ōj

Būreejtōn Monson ej bōk iien im loļo̧k rūtto ro im ro ilo im̧ōn rinan̄inmej ko, eļaptata ilo iien Kūrijm̧ōj. Ekar kile bwe elōn̄ ro rej m̧ōņōņō kōnke elōn̄ ro rej lotok er, ak elōn̄ ro jet rej kōjatdikdik wōt kōn rilotok ro reban itok. Elōn̄ armej ro rej kōttar jet armej ro—bōlen ilo Kūrijm̧ōj in, komaron̄ erom armej eo.

Laajrak in ej juon laajrak in jet wāween ko komaron̄ jipan̄ lale bwe en ejjeļo̧k juon ej make iaan ilo Kūrijm̧ōj in. Ewōr am̧ anemkwoj n̄an ļōmņak kōn elōn̄ ļo̧k wāween ko im komaron̄ in pukōt ļo̧k ilo jukjukun pād eo am̧ ilo Kūrijm̧ōj in. “Ewōr ke juon armej eo ej kōttar am̧ loļo̧k?”

• Kōm̧m̧an Kūrijm̧ōj kaat ko im jilkinļo̧k n̄an mijenede ro im membōr ro ejjeļo̧k pāleer im membōr ro rerūtto ilo ward eo am̧ ak branch eo.

• Paļenteer ippān juon doulul an jukjukun pād eo.

• Leļo̧k kape in Bok in Mormon eo āinwōt menin leļo̧k ko an Kūrijm̧ōj n̄an ro m̧ōttam̧ im ro ritūrim̧.

• Loļo̧k armej ro rerūtto ilo ward eo am̧ ak baam̧le eo.

• Kōm̧m̧an menin leļo̧k im leļo̧k n̄an ro ritūrim̧.