Manatu mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.
Faamatalaga mai le Keriso o loo Faamaloloina le Tauaso, saunia e Domenico Fiasella, mai faaaloaloga a John ma Mable Ringling Museum of Art;taumatau: Le Po Paia, saunia e Carl Heinrich Bloch
“Ia Filemu,” itulau e 34: Ua valaaulia e Elder Christofferson i tatou e faaalu se taimi i lenei vaitau o le Kerisimasi e saofafai filemu ai ma manatunatu e uiga i le pepe o Iesu. Mafaufau e faitau le tusiga faatasi o se aiga ma ona valaaulia lea o se agaga o le migao e ala i le faitauina o tusitusiga paia, usuina o viiga, po o le matamata i vitio o le Tusi Paia (e maua i le Biblevideos.org) e uiga i le soifua mai o le Faaola. Ona tuu atu lea o se taimi mo tagata taitoatasi e mafaufau ai e uiga i le soifua mai o le Faaola ma lona uiga ia i latou. Atonu e te mafaufau ia i ai ni api talaaga po o ni pepa mo i latou e mananao e faamaumau o latou manatu. Fai atu i tagata o le aiga e faasoa mai o latou manatu pe afai latou te mananao ai.
Vito o le Kerisimasi, Mormon.org: Mafaufau i ni auala e mafai ona faaaoga ai e lou aiga vitio o le Kerisimasi i lenei tausaga e faasoa atu ai le talalelei i isi. Atonu e te faia ni meaai mama o le Kerisimasi e faasoa atu i uo ma tuuina atu ma se kata o loo i ai le tuatusi o le vitio. E mafai foi ona e fuafuaina se faalauiloaga faaleaiga i faasalalauga faaagafesootai ma fai ni sini mo le toatele o tagata e mafai ona e faasoa atu i ai le vitio. O le isi filifiliga o le valaaulia lea o ni uo e o mai e matamata le vitio faatasi ma outou.