Aoao faatasi e uiga i le Feagaiga Fou i le tausaga lenei!
Ata
Product Shot from December 2015 Liahona
I le Kerisimasi, o tagata i le lalolagi atoa e faamanatuina le soifua mai o lo tatou Faaola, o Iesu Keriso. I se aso o le a tatou faamanatuina ai se isi aso matagofie—o le Afio Mai Faalua, pe a toe afio mai Iesu i le lalolagi! Ua aoao mai e perofeta le mea o le a tupu a o lei toe afio mai Iesu. O se tasi o na mea o Lana talalelei lea o le a talaiina atu i le lalolagi atoa.
O le mauaina o le faatuatua i le Tama Faalelagi ma Iesu Keriso e fesoasoani ia i tatou e lagonaina le toafilemu, e tusa lava pe foliga taufaafefe mea o loo tutupu i le lalolagi. Na fetalai mai Iesu, “Ou te tuuina atu ia te outou le manuia, o lou manuia ou te avatu ai ia te outou: ou te le avatu ia te outou e faapei ona avatu e le lalolagi. Aua le atuatuvale o outou loto, aua foi tou te matatau” (Ioane 14:27).
A o e mafaufau e uiga ia Iesu i lenei Kerisimasi, ia manatua o le a Ia toe foi mai i se aso, e le o se pepe ae o le Tupu o tupu. Ona iloa ai lea e tagata uma o Ia o le Alo o le Atua ma le Faaola o le lalolagi!