Annak

Dagiti Pagsisilpuan ti Ayat

Agpatulongka iti maysa a nataengan a manggetteng iti 28 nga akikikid a piraso ti papel, agarup 1 a pulgada (2.5 cm) ti kaakabana ken 8 a pulgada (20 cm) ti kaatiddogna. Tunggal aldaw daytoy a bulan, agaramidka iti maysa a serbisio a mangipakita iti panagayatmo iti maysa a tao. Mabalin a tulongam dagiti nagannak kenka nga agdalus iti pagtaenganyo wenno agsuratka iti makaay-ayo a surat iti maysa a kaarruba.

Isuratmo iti maysa kadagiti piraso ti papelmo no kasano a nakapagserbika iti tunggal aldaw, ket iteyp wenno pagpigketem dagiti ungto ti piraso ti papel tapno agbalin a maysa a sirkulo. Mabalinmo nga ikonekta dagiti sirkulo babaen ti panangisilpom iti maysa nga ungto ti maysa pay a piraso ti papel iti sirkulo manipud iti napalabas nga aldaw sakbay nga iteypmo wenno pagpigketem dagiti ungto ti maysa pay a piraso ti papel. Makitam a dumakkel dagiti pagsisilpuam ti ayat! Mabalinmo met nga ituloy ti mangnayon iti silpo ti serbisiom kalpasan ti Pebrero.