Karekean te Koaua mairoun te Tamnei ae Raoiroi

Tamara O., Brazil

Ngke I kaaina te Ekaretia ni koron ruaiwa au ririki, I a kaman kakoaua ae boni koaua te Ekaretia, ngaia are akea riaina bwa N na titirakina te Atua ngkana e koaua. I mwin kaainakin te aro inanon ririki aika bati, I a moanna n nanououa ngkana e bon koaua (te Ekaretia). Ngkanne n tain te botaki n toa, ngke I kakauongo nakon te anene n taromauri “Ana Moan Tataro Iotebwa Timiti” (Kuna n taromauri, nambwa. 26), I tataro ao ni bubutia te Tama are i Karawa ngkana e koaua te Ekaretia ao ngkana Iotebwa Timiti e a bon tia raoi n Noria ao Iesu Kristo. E a kaoti te iango teuana n au kantaninga ae eng, ana Ekaretia Iesu Kristo e boni koaua, ao eng, Iotebwa Timiti e bon noora te Atua ao Iesu Kristo. I a moanna n tang, ao I namakinna bwa te Tamnei ae Raoiroi e a moanna n ninianako kabin nanou.

N te bong aei I kona ni kakoaua bwa te Tamnei ae Raoiroi e kakoaua nakoiu bwaninin koauan te Ekaretia. I ataia bwa Iotebwa Timiti e noora te Tama are i Karawa ao Iesu Kristo, ao I aki kona ni kakewea. Te koaua aei e anganai te ninikoria n tibwaua au koaua ma tabeman.