Nako Karoa Ana Stereo
Kent A. Russell, Florida, USA
Kaain rarikira bon te minita ae te kairake n te ekaretia n te tabo aei, ao kairake n ana ekaretia a kakawaria. E taneiai te aba n nonori tabeua kaa n tei imatan ana auti n te ngaina ma te bong.
Tabeman kairake aikai a katangitang ni katakaruai aia bwana n rerion aia kaa n tainako. Ti kona n ongo tangiia ngkana a roko n ara tabo, ao ngkana a tabe ni kaan, wintoon mweengara a ruru. N tabetai karongoaan te katangitang e kautai n te tairiki. E rikirake uniu ao Ia moanna n tataraia kairake aikai bwa au kairiribai.
N te bong teuana ngke I tabe n reekenii banikai, I ongo rebwetauan te katangitang tabeua auti aika kiraroa. Te bwana e tabe ni uakaan ao e rikirake n takarua. N te tai are e rairaki n te koona te turaiwa ao e kaineta mweengan kain rarikiu, I a bon un ao I tataro nakon Tamau are i Karawa bwa e na urua ana bwai ni katangtang.
Au tataro ae bwarannano e bitaki nakon teuana te nebo ao te kakaitau ngke e karina ni mabu ngke e katea ana kaa. Ia tia ni kakaraoi katangitang n te kaa ao I ataia man tangina ae tuai n tiringaki—ea bon mate naba irouna.
E un te ataeinimwane ngkai e aki mwakuri ana bwai ni katangitang, ao raraona a ikotaki ni karaua nanona. Ngai, ni kaitarana I namakina te kukurei inanon te raunnano ni kakoaua bwa te bwai are I nooria I taku bwa bain te Atua are e urua te bwai ni katangitang.
Ma ngke I reitinako ni mataku, I ataia bwa I bon taraai n anuau inanon ririki aika a mwaiti aika a tia n nako. E bebete nanou, ao ia tabe n iangoia bwa tao te ataeinimwane ai bon tiaki au kairiribai. Imwiina e wirikiriki te Tamnei, “Nako karaoa ana bwai ni katangitang.”
I bon mimi n te wirikiriki ao I kataia ni kanakoa. Bukin tera Nna karaoa te bwai ae I aki kukurei iai? Ma e manga roko naba te wirikiriki, ao I ira nanona.
Imwiina ngke I tia n anga au ibuobuoki, I waekoa n noora oin te kanganga. Bon te mwakuri ae tawe. N te tai ae tawe ao e manga tang naba te bwai ni katangitang n tangina are rebwetaua.
E anga ana kakaitau te ataeinimwane ao e titiraki ngkana iai te bwai ae e kona ni karaoia ibukiu. I tuangnga ae nna kautimwaakai ni kaea au mwakuri, ao ngkana e kona ni kauarerekea tangin ana katangitang n te tairiki anne, Nna bon rangi ni kakaitau iai. E moangare ao e kamatoa nakoiu bwa e na bon karaoia.
E aki tii karauraua ana katangitang, ma e riki bwa au bureitiman n te katangitang ao e kakoaua bwa raraona a kauarerekei naba aia katangitang. Mai ikanne, e bon aki manga reke ara kanganga ma te katangitang are e rebwetaua imwiin te roo.
Te Tama are i Karawa e bon ongo ao e kaeka au tataro. Ana kawai e karekea te rau ao te aki karongoa, te reirei ae kakaawaki ibukin irakin te Tamnei, ao n ota riki n te bwai ae kananonaaki n te bwai ae kananonaaki bwa tina “tangiriia ara kairiribai” (Ruka 6:27).