O Le Meaalofa o Jen
E alala le tusitala i Iuta, ISA.
Sa ou faia se vaega o filifiliga sese i lo’u tausaga lua i le aoga maualuga. O na filifiliga na oo atu ai i taunuuga ogaoga ma le faanoanoa, ma sa ou filifili loa e faaaoga la’u malologa o le taumafanafana e amata fai ai ni suiga. Ina ua toe a’e le aoga, e ai la’u meaai i le malologa i totonu o se tamai potu i le faletaele po o le faapaologa avanoa e aloese ai mai fegalegaleaiga le lelei o loo faatalitali e faafeiloaia au.
Ou te le’i mauaina muamua ni lagona tuua toatasi.
Ona tuuina mai lea e le Atua o se meaalofa ia te au: na Ia auina mai ia te au Jen. Na te le faamasinoina lava au mo au mea sese ae nai lo lena, na te uunaia au e aga’i atu pea i le ala sao. O le iloaina o le a i ai o ia i le aoga na fesoasoani e faaauau ai pea ona ou faitau i tusitusiga paia ma faafailele la’u molimau. Ina ua oo i le taimi o le faauuga, sa ou faamaonia ia te au lava na ou tautino e sui.
Ou te mafaufau lava i nisi taimi po o fea se mea semanu ou te i ai i le asō pe ana le aapa mai Jen ia te au. Faamata e mafai ona ou tumau i a’u mataupu faavae e aunoa ma ia? Ae ui o lea, o le a ou le iloaina lava aua sa i ai o ia iina ma lona loto atoa, saunia ma naunau e fesoasoani ia te au.