Veiqaravi ena Lotu

Ena Saumi ena Wilivola ni Siga Tabu

Mai vei Emma Addams

Au sa dau vakamatautaka meu rawata na isau ni noqu vakatataro ena veibolebole kece—meu dau kerea vua na Turaga me vukei au meu rawata na ka e rawa ni walia na leqa kecega au sotava. Au sa vulica ni dau caka vakaoqori, ena dau vakaleqa sara vakalevu.

Ena noqu vakavulica tiko na kalasi ni iVakavuvuli ni Kosipeli ena noqu tabanalevu, au sa vakadeitaka meu na dau taroga na taro ena vakavurea na vakasama vakatitobu kei na isaunitaro ena veivakauqeti. Ena dua tale na kena itukutukuni, au gadreva me sa kua na tokaruataki tiko ni isaunitaro makawa ena “Wilivola ni Sigatabu” era sa dau tukuna tu ga na lewe ni tabanalevu ena veimacawa.

Niu vakawilika tiko na Veiyalayalati Vou ena noqu vakavakarau, e a lauti au na kena vakayagataki wasoma tiko na vosa tiko ga, ka vakayagataki toka vakavica vata. Kena ivakaraitaki, Joni 15:10 e kaya, “Kevaka dou sa talairawarawa kina noqu ivunau, dou na tiko ga ena noqu loloma; me vaka kau sa talairawarawa kina ivunau nei Tamaqu, ka tiko ga ena nona loloma” (kuri na kena vakabibitaki).

Ena Nona Masu ni Vakatakekere, e a kerea kina na iVakabula ni o ratou na Nona tisaipeli “mera sa duabau kecega, me vaka daru sa duabau, Tamaqu mera duabau kei kedaru” kei “meu tu vei ira, ka mo ni tu vei au, mera vakayacori sara mera duabau ga” (Joni 17:21, 23).

Me levu na ka au vaqara sa ikoya meu na daubau kei na Turaga se meu na tiko ga vakacava ena Nona loloma, kei na noqu rawa ni vakacokotaka kina na vosota—na vosota au gadreva sara tikoga vakalevu meu na veisautaka na ka au dau sotava me ka ni rarawa kina veivakauqeti ka veivakasavasavataki vei au.

Niu sasaga meu kila na kena vakayagataki na vosa tiko ga kei na isaunitaro kina dredre e sotavi ena veisiga, au sa qai vakauti lesu tale mai kina isaunitaro ena kalasi ga ni Wilivola ni Siga Tabu au a saga meu dro laivi mai kina. Au a sotava na isaunitaro ena noqu wilika na noqu ivolanikalou, masu ena veisiga, qaravi iratou na noqu matavuvale kei ira na tani, ka lako yani ki valetabu kei na dau laki lotu ena Siga Tabu. Au vulica ni veika rawarawa oqori e vakaraitaka na duidui e tiko ena vosota kei na vosota vakadede ena yalovosota.

Na isaunitaro mai na Wilivola ni Sigatabu, sa isaunitaro vinaka duadua.

Bucini Noda Vakabauta

Elder Neal A. Maxwell

“Na veiqaravi, vuli, masu, kei na sokalou sa va na yavu me na vakavinakataki kina ‘na ka era sa sega ni tiko ena [noda] vakabauta.’ (1 Cesa. 3:10.) Kevaka meda tarova na bucini ni vakabauta ena va na yavu oqo eda na rawai rawarawa. …

“Ena dua na vuravura dredre, na Turaga e rawa ni curuma na noda vakanananu ena kena vakayagataki “na iseleiwau ni Yalotabu sa ikoya na vosa ni Kalou.’ (Efe. 6:17; raica talega na Jeromi 1:12.) Ia, na vakarorogo e dodonu me ‘duavata ena vakabauta’ (Ipe. 4:2) kei na veiqaravi va-Karisito, me vaka eda sa dau rogoca wasoma.”

Elder Neal A. Maxwell (1926–2004) ena Kuoramu ni iApositolo Le Tinikarua, “Lest Ye Be Wearied and Faint in Your Minds,” Ensign, Me 1991, 88.

Vakayagataki ni iYaya sa Vakadonuya na Lotu

“O ira na qasenivuli kei ira na iliuliu mera vakayagataka na ivolanikalou, nodra veituberi na parofita ena gauna oqo, kei na lewenivuli sa vakadonui mera veivakavulici ka vakadinadinataka na ivakavuvuli ni kosipeli. Na iyaya ni veivakavulici sa vakadonui baleti ira na kalasi se kuoramu sa lisitaki tu ena ivola ni iDusidusi ni Lewenivuli. Kevaka me na gadrevi, o qasenivuli se o iliuliu me na vakacokotaka na iyaya ni veivakavulici kei na mekasini ni Lotu, vakabibi ni ilavelave ni koniferedi raraba ena Ensign kei na Liaona.”

iVoladusidusi 2: Veiliutaki ena Lotu (2010), 5.5.4.