Te mau rê no ta tatauraa ano‘ihi (art) na te ara, ua matara te faaiteiteraa

I te mahana pae,16 no mati 2012, i te iritiraa o te faaiteiteraa no te ivaraa o te tatauraa ano‘ihi na te ara, ua haaputu mai te mau tahua ano‘ihi (artistes) na te mau fenua atoa no te farii i ta ratou rê no ta ratou ohipa i ni‘a i te hoê tumu parau o te Ekalesia.

E 20 tahua ano‘ihi tei farii i te rê « Merit Awards » no ta ratou ohipa hau i te faahiahia, e e 15 tahua ano‘ihi tei rê i te « Purchase Awards », te auraa ïa, ua hoo mai te Church History Museum (fare mahana no te aamu o te Ekalesia), tei faatupu i te tatauraa, i teie mau ohipa no ta’na mau faaiteiteraa.

Tei reira atoa Elder Marlin K. Jensen no te Hitu Ahuru, taata tuatapaparaa parau a te Ekalesia e ei papa‘i parau rahi atoa, ua paraparau rii oia na mua a‘e i te horo‘araa i te mau rê.

Ua matara te faaiteiteraa ono‘ihi i te 16 no mati 2012, e e opani te reira i te 14 no atopa 2012, i te Church History Museum i Roto Miti, i Utah, i te mau Hau Amui no Marite.

I te tatauraa no teie matahiti, te tumu parau Faaite atu i ta’na mau ohipa maere (PH&PF 65:4), ua tae mai 1149 ohipa na te ao atoa nei e ua rau te huru ohipa, mai te ohipa tarai, te mau ahu taoto e te tahi atu ahu, te ohipa papa‘i, e te mau hoho‘a peni. E 198 ohipa ta te fare manaha e faaite atu.

Ia au i te parau a Rita R. Wright, Taata aupuru i te ono‘ihi e te rima‘i i te fare manaha, e faataahia te mau ohipa ia au i te faito ono‘ihi e te tu‘atiraa i te tumu parau. Ua rau roa te mau ohipa, e te faaite nei te reira i te mau hiro‘a tumu ĕê e faaite papû nei no te mau ohipa maere a te Fatu, o ta’na ïa i parau, e e faaohipa te reira i te tahi mau taipe no te faahoho‘a e no te haapii.

Ei hi‘oraa, te Hiero no Kyiv Ukraine, tei hamanihia e Valentyna Musiienko, e taata tumu no Ukraine, e ma te û rau, ua papa‘i oia i te hoho‘a o te tahi mau taipe e vai ra i roto i te hiero. Ua rê oia i te « Purchase Award ».

No Brandon Daniel Hearty—tei rê i te « Merit Award » mai Alberta, i Canada—ua faaohipa oia i te peni hinu o to’na tupuna vahine (Matriarch) ei faahoho‘araa no te aamu utuafare e no te tu‘atiraa o te mau u‘i.

Ua parau Alexandra Gomez Chaves, no Bogotá, i Colombia, ua riro te tatauraa ei rave‘a no te faaite i te iteraa papû. Ua rê oia i te « Merit Award » na roto i te hamaniraa i te Living Waters (Te mau pape ora), tauturuhia e to’na metua vahine tei pohe aita i maoro roa hou i te iritiraa i te faaiteiteraa.

« Te feia atoa e mata‘ita‘i mai i teie ohipa… e ite ratou i te iteraa papû e, ua riro Iesu Mesia e Ta’na evanelisa ei pape ora », ua na ô mai oia. « I roto i teie peni, e ite ratou i te here atoa ta te hoê metua vahine e nehenehe e haapii i ta’na mau tamarii no te mea na teie metua vahine e amo ra i te farii araea e na’na e haapii ra i ta’na tamahine ia haapii atu i te evanelia ».

E mea tamoni ore te tomoraa i te faaiteiteraa, e te faaitoitohia ra te feia e haere mai ia afa‘i atoa mai i to ratou utuafare. E nehenehe ta ratou e ma‘iti i te ohipa ta ratou e au roa, e e horo‘ahia e ono rê « Visitor’s Choice Awards » i te ava‘e setepa ia au i te ma‘itiraa a te feia i ratere mai.

I teie mau mahana i muri nei, e tuuhia te uiuiraa no 11 taata ono‘ihi, tei tata‘u i roto i te tata‘uraa, ia mata‘ita‘ihia na roto i reo peretane i ni‘a i te tahua itenati a te Aamu o te Ekalesia. E ite-atoa-hia teie na hoho‘a i te fare manaha.

Te faaineine atoa nei te Church History Museum i te hoê faaiteiteraa itenati i ni‘a i te history.lds.org/artcompetition.

No te mau haamaramarama hau atu, a haere i ni‘a i te history.lds.org e aore râ a taniuniu i te 801-240-4615.

I Will Send Their Words Forth (Jacob the Teacher) [E hopoi atu vau i ta ratou parau (Iakoba te orometua)], na Elspeth Caitlin Young, Te Mau Hau Amui no Marite

Ma te parau faati‘a a te Church History Museum

Matriarch (Metua vahine), na Brandon Daniel Hearty, Canada

Ma te parau faati‘a a te Church History Museum