Pe mafai e tagata lotu ese onaaai ma feinu i le faamanatuga?

E pei ona outou silafia, o le areto ma le vai o le faamanatuga ua faia mo tagata o le Ekalesia ina ia mafai ona faafou a tatou feagaiga o le papatisoga. Peitai, e le tatau ona tatou faia se mea i le taimi o le sauniga faamanatuga e taofia ai tagata lotu ese mai le fetagofi atu i le faamanatuga.

E lelei le valaaulia o uo lotu ese ma aiga i le lotu, ma tatou te mananao ia latou lagonaina le taliaina ma le mafanafana ia tatou sauniga. O le a fesoasoani le saunia o i latou mo le sauniga faamanatuga, i le faamalamalamaina o le faamoemoega o le faamanatuga ma mea o le a tupu i le taimi o le sauniga. Afai latou te fesili mai pe mafai ona latou aai i le faamanatuga, na ona tau atu lava ia i latou e mafai ona latou filifili pe faia ae ua faamoemoeina mo tagata o le Ekalesia, o loo faafouina a latou feagaiga o le papatisoga.

E pei ona saunoa mai Elder Dallin H. Oaks o le Korama a Aposetolo e Toasefululua, “O le sauniga o le faamanatuga na te faia le lotu faamanatuga ma sauniga aupito sili ona paia ma taua i le Ekalesia” (“Sauniga Faamanatuga ma le Faamanatuga,” Liahona, Nov. 2008, 17). E tatau ona tatou fesoasoani i tagata lotu ese ia malamalama i lenei sauniga taua, i le faamautinoaina ua latou lagona le mafanafana ia tatou sauniga.