I le Aoao o le Ekalesia

Tuufaatasi e le Au Paia i Ifiopia ia Ta’ui o Mea e Faaaoga e Tausisia ai le Tumama

E silia ma le 70 tagata o le Ekalesia sa faatasitasi i le falelotu i Meganagna i Addis Ababa, Ifiopia, i le aso 1 o Oketopa, 2011, mo le tusa ma le lima itula e tuufaatasi ai ta’ui e 5,000 o mea e faaaoga e tausisia ai le tumama mo o latou uso Ifiopia na aafia i le lamala o le Horn o Aferika.

O le galuega faatino o se vaega o taumafaiga a le Ekalesia e fesoasoani i tagata o loo nonofo i totonu o tuaoi o Ifiopia.

Maua Faila Fou o le Vitio o Aoaoga Faaleautaitai

I le avea ai o se faaopoopoga e fesootai ma le faafouga o le Tusitaulima 2: Taitaiina o le Ekalesia, ua faasilasilaina mai ai e le Matagaluega o le Perisitua a le Ekalesia le Faila o Aoaoga Faaleautaitai, o se vaega e i luga o le initoneti o aoaoga pupuu faavitio o loo faamamafaina ai mataupu faavae o loo aoaoina i le tusi [taulima]. O le punaoa fou ua maua i le taimi nei i le leadershiplibrary.lds.org. O le a maua vaega o le faila i gagana e 11 i le tausaga lenei.

Faamanatu e Chile le 50 Tausaga o le Galuega Faafaifeautalai

Ia Oketopa 2011, sa faamanatuina ai e Chile le 50 tausaga o le galuega aloaia faafaifeautalai a le Ekalesia iina i se polokalama e vaiaso atoa le umi.

O le Au Peresitene o le Eria a Chile sa lagolagoina le polokalama faamanatu ma sa saunoa i le faatasiga i le Aso Toonai, 15 o Oketopa, lea sa faaiuina ai faafiafiaga.

Sa aumaia ai nisi o le au paia e 20,000 i le Malae i Santiago Santa Laura, lea sa faamanatuina ai i tautalaga, pese, o se tala faatino, ma siva faaleatunuu le taliaina e tagata Chile o le talalelei ma le tuputupu ae o le Ekalesia.

Sa fesoasoani le au paia ma faifeautalai i Addis Ababa, Ifiopia, e tuufaatasi ni ta’ui e 5,000 o mea e faaaoga e tausisia ai le tumama ina ia tilivaina atu i uso Ifiopia na aafia i le lamala o le Horn o Aferika.

Ata na pueina e Sister Robin O’Crowley