Pe na Faapefea ona Faamalosia Asiasiga a Faiaoga Asiasi?

O se aotelega lenei o ni suiga i le polokalama a faiaoga asiasi. Matou te uunaia taitai o Aualofa ma faiaoga asiasi e faitau le mataupu e 9 o le Tusitaulima 2: Taitaiina o le Ekalesia ina ia iloilo faamatalaga faapitoa o nei suiga. Matou te faamalosiauina foi outou e faitau le mataupu e 7 o le Afafine i Lou Malo: O le Talafaasolopito ma le Galuega a le Aualofa ina ia maua se vaaiga, manatu, ma se malamalamaaga i le mana o le auaunaga ma lana matafaioi talafeagai i le faiaoga asiasi. (O nei tusi e lua e mafai ona maua i le initoneti i le LDS.org.)

Tofiaina o Faiaoga Asiasi
1. O le au peresitene o le Aualofa, e le na o le peresitene, e vaaia faiaoga asiasi.	Tagai i le Tusitaulima 2, 9.2.2.
2. Pe a tuuina atu e se taitai o le Aualofa i se tuafafine sona tofiga faafaiaoga asiasi, e fesoasoani atu le taitai i le uso ia malamalama o le faiaoga asiasi o se tiutetauave taua faaleagaga e faataunuuina.	Tagai i le Tusitaulima 2, 9.5; 9.5.1.
3. E taitaiina e le au peresitene o le Aualofa aoaoga faifai pea mo faiaoga asiasi i auala e sili atu ai ona faamanuiaina le auaunaga ia i latou o loo latou asia. E mafai ona tuuina atu le aoaoga i le Aualofa i le Aso Sa muamua o le masina po o se isi fonotaga a le Aualofa.	Tagai i leTusitaulima 2, 9.5.

Fono faatasi ma Isi
1. E fono e le aunoa le au peresitene o le Aualofa ma faiaoga asiasi e talanoaina le uelefea faaleagaga ma le faaletino o i latou o manaomia le fesoasoani ma faia fuafuaga e fesoasoani ai ia i latou. Atonu e fesoasoani faiaoga asiasi i le au peresitene o le Aualofa i le faamaopoopoina o auaunaga mo taimi pupuu po o taimi uumi mo tuafafine o manaomia le fesoasoani.	Tagai i le Tusitaulima 2, 9.5; 9.5.1; 9.5.4.
2. E fono e le aunoa le au peresitene o le Aualofa e talanoaina le uelefea faaleagaga ma le faaletino o i latou o manaomia le fesoasoani.	Tagai i le Tusitaulima 2, 9.3.2; 9.5.4.
3. I fonotaga faamaopoopo a le uarota po o le paranesi, e faasoa atu e le peresitene o le Aualofa faamatalaga talafeagai mai lipoti a faiaoga asiasi ina ia mafai ona talanoaina faatasi e taitai o le uarota po o le paranesi auala e fesoasoani ai ia i latou o i ai manaoga faaleagaga ma le faaletino.	Tagai i le Tusitaulima 2, 4.5.1; 5.1.2; 6.2.2.
4. Pe a manaomia ai, e mafai e le epikopo po o le peresitene o le paranesi ona valaaulia le peresitene o le Aualofa i fonotaga a le komiti taitai o le perisitua (KTP) o le uarota po o le paranesi e faamaopoopo ai tofitofiga o faiaoga o aiga ma faiaoga asiasi.	Tagai i le Tusitaulima 2, 9.3.1.
5. O le au peresitene o le Aualofa ma le taitai o talavou nofofua matutua e fono e le aunoa ia faamautinoa o loo fesoasoani tofitofiga a faiaoga asiasi e faataunuu manaoga o talavou nofofua matutua.	Tagai i le Tusitaulima 2, 9.7.2; 16.3.3.

Faatulagaina ma le Vaaia o Faiaoga Asiasi
1. E talanoaina ma fuafuaina ma le agaga tatalo manaoga o le tulaga faalotoifale e le epikopo po o le peresitene o le paranesi ma le au peresitene o le Aualofa e fuafuaina le faatulagaga o faiaoga asiasi. (E le tatau ona faatulagaina tuafafine i vaega mo le faamoemoega o faiaoga asiasi ona latou te auauna atu i manaoga o tagata taitoatasi.) E faamaonia e le epikopo po o le peresitene o le paranesi tofiga taitasi.	Tagai i le Tusitaulima 2, 9.5.2.
2. Pe afai e mafai, e tofia e le au peresitene tuafafine e taitoalua i paga. Tusitaulima 2 ua tuuina mai isi filifiliga e taulimaina ai manaoga faalotoifale. E talanoaina e le au peresitene ma le epikopo po o le peresitene o le paranesi le faaaogaina o nei filifiliga: a. Tofiaina mo se taimi le tumau na o faiaoga o aiga pe na o faiaoga asiasi i ni aiga patino. Pe tofia faiaoga o aiga e asia le aiga i le masina ona asi lea e faiaoga asiasi i le isi masina. b. Talosagaina faifeautalai tamaitai e fesoasoani i faiaoga asiasi mo se taimi faatapulaa, faatasi ai ma le faamaoniga mai le peresitene o le misiona.	Tagai i le Tusitaulima 2, 9.5.2; 9.5.3.
3. O le faiaoga asiasi e le na o se asiasiga faalemasina; o le auaunaga. E leoleo ma faamalosia tuafafine i o latou manaoga taitoatasi, e faafesootai atu pea e faiaoga asiasi i latou e ala atu i asiasiga, telefoni, i-meli, tusi, po o nisi auala. O taitai e tuuina atu le faamuamua faapitoa ia faamautinoa ai o loo vaaia lelei tuafafine nei: tuafafine ua o mai i le Aualofa mai Tamaitai Talavou, tuafafine nofofua, tagata fou o le uarota, tagata fou faatoa liliu mai, tuafafine faatoa faaipoipo, tuafafine le toaaga mai, ma isi e i ai manaoga faapitoa.	Tagai i le Tusitaulima 2, 9.5.1; 9.5.2.

Faatulagaina ma le Vaaia o Faiaoga Asiasi

1. E talanoaina ma fuafuaina ma le agaga tatalo manaoga o le tulaga faalotoifale e le epikopo po o le peresitene o le paranesi ma le au peresitene o le Aualofa e fuafuaina le faatulagaga o faiaoga asiasi. (E le tatau ona faatulagaina tuafafine i vaega mo le faamoemoega o faiaoga asiasi ona latou te auauna atu i manaoga o tagata taitoatasi.) E faamaonia e le epikopo po o le peresitene o le paranesi tofiga taitasi.

Tagai i le Tusitaulima 2, 9.5.2.

2. Pe afai e mafai, e tofia e le au peresitene tuafafine e taitoalua i paga. Tusitaulima 2 ua tuuina mai isi filifiliga e taulimaina ai manaoga faalotoifale. E talanoaina e le au peresitene ma le epikopo po o le peresitene o le paranesi le faaaogaina o nei filifiliga:

a. Tofiaina mo se taimi le tumau na o faiaoga o aiga pe na o faiaoga asiasi i ni aiga patino. Pe tofia faiaoga o aiga e asia le aiga i le masina ona asi lea e faiaoga asiasi i le isi masina.

b. Talosagaina faifeautalai tamaitai e fesoasoani i faiaoga asiasi mo se taimi faatapulaa, faatasi ai ma le faamaoniga mai le peresitene o le misiona.

Tagai i le Tusitaulima 2, 9.5.2; 9.5.3.

3. O le faiaoga asiasi e le na o se asiasiga faalemasina; o le auaunaga. E leoleo ma faamalosia tuafafine i o latou manaoga taitoatasi, e faafesootai atu pea e faiaoga asiasi i latou e ala atu i asiasiga, telefoni, i-meli, tusi, po o nisi auala.

O taitai e tuuina atu le faamuamua faapitoa ia faamautinoa ai o loo vaaia lelei tuafafine nei: tuafafine ua o mai i le Aualofa mai Tamaitai Talavou, tuafafine nofofua, tagata fou o le uarota, tagata fou faatoa liliu mai, tuafafine faatoa faaipoipo, tuafafine le toaaga mai, ma isi e i ai manaoga faapitoa.

Tagai i le Tusitaulima 2, 9.5.1; 9.5.2.

Tuuina atu o Lipoti a Faiaoga Asiasi
1. E lipoti atu e faiaoga asiasi soo se tulaga manaomia faapitoa ma auaunaga na tuuina atu—i se isi faaupuga, o la latou auaunaga. Faitau le tausiaina nai lo le faitauina na o asiasiga.	Tagai i le Tusitaulima 2, 9.5.4.
2. E tuuina atu e le peresitene o le Aualofa i le epikopo po o le peresitene o le paranesi se lipoti a faiaoga asiasi faalemasina. O lenei lipoti e aofia ai manaoga faapitoa ma auaunaga na faataunuuina e faiaoga asiasi, ma se lisi o tuafafine e lei faafesootaia.	Tagai i le Tusitaulima 2, 9.5.4.