O Afafine i Lo’u Malo
Faia se Eseesega
I le faatomuaga o le Afafine i Lo’u Malo: O le Talafaasolopito ma le Galuega a le Aualofa, ua uunaia ai e le Au Peresitene Sili le au faitau “ia suesue i lenei tusi ma ia tuu atu i ona upumoni faavavau ma faataitaiga musuia e uunaia ai o outou olaga”1 O molimau nei mai nisi o alii ma tamaitai na faia e lenei tusi musuia se eseesega mo i latou:
“O loo i ai se agaga i lenei tusi e mafai lava ona pai atu i ai. E mafai moni lava ona ou lagonaina lona suia o lo’u loto.”—Shelley Bertagnolli
“O le faitauina o le Afafine i Lo’u Malo ua musuia ai au ia avea ma se toalua ma se tama faamaoni atu ma tausia au feagaiga ma se naunautaiga sili atu.” —Aaron West
“A o ou faitau e uiga i uso o le Aualofa i le Afafine i Lo’u Malo, na avea i latou ma tagata moni lava ia te au ma na ou lagonaina lo latou faatuatua. Na latou iloa afai tatou te auauna atu i isi ma le alofa mama o Keriso, e avea i tatou e pei ona finagalo le Alii ia avea ai i tatou. O le faamoemoega lena o le Aualofa, ma e tutusa mo tagata uma lava—nofofua pe faaipoipo, talavou pe matua. E aoga ia te au.” —Katrina Cannon
“Sa ou ola i Chile, Atenitina, Pasila, ma le Iunaite Setete, ae po o fea lava ou te alu i ai, ou te iloa o au o se vaega o le lio o uso agalelei—o se talatuu o ni tamaitai malolosi, ma faatuatua.” —Marta Bravo
“O le galue ai i le Afafine i Lo’u Malo e avea o se faatonutonu o kalafi o se aafiaga le aumaua ma tulagaese. I la matou fonotaga muamua, na tuuina mai ai le molimau a Sister Julie B. Beck, le peresitene aoao o le Aualofa ia i matou o le tusi o le a oo mai i lalo o faaaliga ma le faatonuga a perofeta soifua. Mai lena aso muamua, na taitaiina mea uma e faaaliga. O taimi uma lava e faitau ai se tasi o i matou mai itulau o le tusi, na toia i matou e le Agaga ma suia mo le lelei sili atu. Na tupu ia te au, ma na ou vaaia o tupu i faatonu, au mamanu, faatonutonu o le faatulagaga, faatonu o faatufugaga, ma le aufaigaluega lomitusi.” —Tadd Peterson
“Na ou iloaina o au o se vaega o se mea e sili atu. A o ou mauaina le malosi mai le Aualofa, e mafai foi ona avea au ma se tasi e sili atu.” —Jeanette Andrews
“O lenei talafaasolopito o se punaoa mamana e mafai ona fesoasoani i alii ma tamaitai i le salafa o le lalolagi, ia iloa le taua o tamaitai i le avea ai ma afafine o le Atua, ma la latou matafaioi taua i Lona malo.” —Susan Lofgren
“Sa ou manatu muamua e tatau ona ou pei o isi tagata uma. O lenei ua ou iloaina o tamaitai taitasi e eseese tulaga, malosiaga, ma vaivaiga, ae peitai e taua tamaitai taitoatasi.”—Nicole Erickson
“Na i ai se aafiaga maoae o le Afafine i Lo’u Malo ia te au o se epikopo. Ou te tuuina atu le molimau i le mana sili e oo mai pe a tauamo faatasi, ae le mavaevae, le Aualofa ma le perisitua.” —Mark Staples.
Ata pue o le fugalaau na saunia e John Luke; ata na tusia e Tom Garner